મહાન બેટર સચિન તેંડુલકરના દિકરા અર્જુન તેંડુલકરે રણજી ટ્રોફીમાં શાનદાર ડેબ્યૂ કર્યું. રાજસ્થાન વિરૂદ્ધ પહેલી મેચની પહેલી ઈનિંગમાં ધમાકેદાર બેટિંગ કરતા હાફ સેન્ચુરી ફટકારી હતી.
અર્જુન તેંડુલકરે પોતાની પહેલી જ મેચમાં મારી સેન્ચુરી
રાજસ્થાન વિરૂદ્ધ સાતમાં નંબર પર આવી સેન્ચુરી
સેન્ચુરીમાં 12 ચોગા અને 2 છગ્ગા પણ માર્યા
અત્યાર સુધી અર્જુન તેંડુલકરેની ઓખળ ફક્ત સચિન તેંડુલકરના દિકરાના નામે થતી હતી. પરંતુ હવે આ યુવા પ્લેયરે બુધવારે આલોચકોને જડબાતોડ જવાબ આપ્યો છે. રણજી ટ્રોફીના પોતાના મેચમાં અર્જુન તેંડુલકરે સેન્ચુરી મારી છે. ડાબોડી આ બેટરે રાજસ્થાન વિરૂદ્ધ મેચના બીજા દિવસે સેન્ચુરી મારી હતી. પોતાની આ સેન્ચુરીમાં અર્જુને 12 ચોગા અને 2 છગ્ગા માર્યા હતા.
પિતાના રેકોર્ડની બરાબરી
અર્જુન તેંડુલકરે તેના પિતા સચિન તેંડુલકરના રેકોર્ડની બરાબરી કરી છે. અર્જુને તેની પહેલી જ રણજી મેચમાં સદી ફટકારી હતી. ડિસેમ્બર મહિનો તેંડુલકર પરિવાર માટે લકી મહિનો લાગે છે. આ પહેલા સચિને ડિસેમ્બર 1988માં ગુજરાત સામે અણનમ 100 રન બનાવ્યા હતા. ફરક માત્ર એટલો છે કે તે સમયે સચિન માત્ર 15 વર્ષનો હતો. પરંતુ હવે અર્જુન 23 વર્ષનો છે.
IPLમાં મુંબઈ તરફથી રમે છે અર્જુન
ઈન્ડિયન પ્રીમિયર લીગમાં અર્જુન તેંડુલકર મુંબઈ ઈન્ડિયન્સ તરફથી રમે છે. જોકે તેને હજુ સુધી ડેબ્યૂ કરવાની તક મળી નથી. મિની હરાજી પહેલા તેને મુંબઈએ રિટેન કર્યો હતો. અર્જુન તેંડુલકર રણજી ટ્રોફી ટૂર્નામેન્ટ પહેલા ખાસ તાલીમ લઈ રહ્યો હતો. વિસ્ફોટક બેટ્સમેન યુવરાજ સિંહના પિતા યોગરાજ સિંહ પોતે જુનિયર તેંડુલકરને ક્રિકેટ શીખવતા હતા.