પ્રેરણા / VIDEO : પગ વિના ક્રિકેટ રમી રહેલા બાળકનો વીડિયો જોઈ સચિન થયો ભાવુક

• સચિન તેંદુલકરે ટ્વિટર પર શેર કર્યો વિડીયો 
• ભાવુક અને પ્રેરણાદાયી વિડીયો સોશિયલ મીડિયામાં વાઈરલ 
• સચિને 2020નો દાયકો બાળકોનો દાયકો ગણાવ્યો 

બાળક ઢસડાઈને રન લેવા માટે દોડી રહ્યો છે 

સચિન તેંદુલકરે ટ્વિટર એકાઉન્ટથી એક વિડીયો પોસ્ટ કર્યો છે જેમાં એક નાનું બાળક ક્રિકેટ રમી રહ્યું છે પરંતુ તેના પગ જ નથી. પગ વગરનું આ બાળક શોટ મારે છે અને રન લેવા માટે દોડે છે. તેના પગ ન હોવાથી તે હાથ વડે જ દોડે છે. તેના શરીરનો નીચેનો ભાગ જમીન પર ઢસડાઈ રહ્યો છે છતાં તે દોડે છે અને રન લેવામાં સફળ રહે છે.

Start your 2020 with the inspirational video of this kid Madda Ram playing cricket 🏏 with his friends.
It warmed my heart and I am sure it will warm yours too. pic.twitter.com/Wgwh1kLegS

— Sachin Tendulkar (@sachin_rt) January 1, 2020

સચિને આ વિડીયો શેર કર્યો અને સાથે લખ્યું 2020ની શરૂઆત આ પ્રેરણાદાયી વિડીયોથી કરો જેમાં બાળક મદા રામ તેના મિત્ર સાથે રમી રહ્યો છે. તેને મારા હૃદયમાં ભાવનાઓ પેદા કરી દીધી. સચિનની સાથે સાથે હવે તેમના ચાહકો પણ આ જ વિડીયો શેર કરી રહ્યા છે. 

સચિને રમત ગમતનાં ફાયદા ગણાવ્યાં 

સચિન તેંદુલકરે આવનારો દાયકો બાળકોનો દાયકો ગણાવ્યો. તેમણે કહ્યું કે વર્ષ 2020 અને શરુ થનારો દાયકો બાળકોનો હોવો જોઈએ. તેમની સાથે સમય વિતાવો, પ્રેમ કરો અને તેમને ભૂલો કરવાની છૂટ આપો. આપણે તેમને મોટા સ્વપ્નો માટે તૈયાર કરવા જોઈએ. તેમના સ્વાસ્થ્ય, પોષણ અને શિક્ષણ પાછળ રોકાણ કરવું જોઈએ.

સચિન તેંદુલકરે આગળ જણાવ્યું કે 2020માં રમત ગમત પર વધુ ને વધુ ધ્યાન આપવું જોઈએ. તેમણે પ્રોત્સાહન આપતાં કહ્યું કે રમત રમવાથી બાળકો સક્રિય રહે છે અને સ્વાસ્થ્ય પણ સાથ આપે છે. દરેક બાળકને તેના જીવનમાં સમાન તકો મળવી જોઈએ કોઈની સાથે ભેદભાવ થવો જોઈએ નહીં.