પૂર્વ ભારતીય ક્રિકેટર વર્ષો પછી એકવાર ફરી મેદાનમાં ઉતર્યા છે. સચિન તેંડુલકર ક્રિકેટના મેદાનમાં ભારતની નહીં પરંતુ ઓસ્ટ્રેલિયાની જર્સી પહેરીને ઉતર્યા. પરંતુ તેની પાછળનું કારણ જાણીને બધાને સચિન પર ગર્વ થશે.
બુશફાયર ક્રિકેટ બેશમાં ચેરિટી કરવા પહોંચ્યા સચિન તેંડુલકર
મેચમાં બ્રેક દરમિયાન એક ઓવર રમવા ઉતર્યા સચિન
પહેલી જ બોલ પર ફટકારી બાઉન્ડ્રી
થોડા સમય પહેલાં ઓસ્ટ્રેલિયાના જંગલોમાં ભયંકર આગ લાગી હતી. આગમાં કરોડો પશુ-પક્ષીઓના મોત નિપજયા હતા. આગના કારણે કરોડોની સંપત્તિનું પણ નુકસાન થયું હતું. આ આગથી થયેલા નુકસાન સામે ફંડ ભેગું કરવા માટે મેચનું આયોજન કરવામાં આવ્યું હતું. બુશફાયર ક્રિકેટ બેશમાં સચિન તેંડુલકર પણ જોડાયા હતા.
કરિયરમાં કુલ 100 આંતરરાષ્ટ્રીય સદી ફટકારનાર સચિન જયારે 5 વર્ષ બાદ બેટ લઈને ક્રિકેટ રમવા પહોંચ્યા ત્યારે પહેલી જ બોલમાં બાઉન્ડ્રી ફટકારી. ગોડ ઓફ ક્રિકેટના નામથી પ્રખયાત સચિન આ મેચમાં એક ઓવર માટે બેટિંગ કરવા આવ્યા હતા. ઓસ્ટ્રેલિયાની મહિલા ટીમની સ્ટાર ઓલરાઉન્ડર એલીસે પેરીએ સચિનને ચેલેન્જ આપી હતી જે બાદ સચિન મેદાનમાં ઉતર્યા.
સચિનના ક્રિકેટ રમ્યા બાદથી જ તેઓ સોશિયલ મીડિયામાં છવાઈ ગયાં અને જોતજોતામાં ટ્રેન્ડ પણ થવા લાગ્યા. ઓસ્ટ્રેલિયામાં પણ સચિનની દીવાનગી જોવા મળી. દર્શકો સચિન સચિનની ચીચીયારી પાડવા લાગ્યા.