મુંબઇઃ પૂર્વ ભારતીય ક્રિકેટર સચિન તેંડુલકરને મેદાનમાં રમતા સૌ કોઈએ જોયા છે. પરંતુ ભાગ્યેજ કોઈને માસ્ટર બ્લાસ્ટરને ગલીઓમાં ક્રિકેટ રમવાનો ચાન્સ મળ્યો હશે. ત્યારે સોમવારે મુંબઈના રોડ પર સચિન બેટિંગ કરતા નજરે પડયા.
રોડ પરથી પસાર થતી વખતે તેઓએ પોતાની કાર રોકી અને રસ્તાની બાજુમાં રમી રહેલા છોકરાઓ સાથે પોતાનો હાથ અજમાવ્યો.
સચિનના મિત્ર વિનોદ કાંબલીએ આ વીડિયો ઉતાર્યો છે જેમાં સચિન બેટિંગ કરતા નજરે પડે છે. આપ દ્રશ્યમાં જોઈ શકો છો તેમ સચિનને રમતા જોઈને છોકરાઓ પણ ઉત્સાહિત થયા હતા. ગલી ક્રિકેટનો આ વીડિયો હાલ તો સોશિયલ મીડિયામાં ખૂબ જ વાયરલ થયો છે.
જેમાં સચિને એક બાદ એક બોલ પર બેટિંગ કરતા કરતા ટિપ્સ પણ આપી. તો રમી રહેલા યુવકોએ સચિન સાથે સેલ્ફી પણ લીધી અને તેમની સાથે રમવા બદલ આભાર પણ માન્યો.