Cricket / ક્રિકેટ છોડ્યા બાદ પણ લાખ્ખોની કમાણી કરે છે સચિન તેન્ડુલકર, કુલ સંપત્તિ જાણીને આશ્ચર્ય થશે

• 800 કરોડથી પણ વધારે રકમ છે સચિન પાસે
• BCCI આજે પણ ચુકવે છે સચિનને પેન્સન
• રીયલ એસ્ટેટ માંથી સચિને કરી અઢળક કમાણી

સચિન જેવા બનવું એ કરોડો લોકોનું છે સ્વપ્ન

જે નામનાં સચિનની છે એવી આ દુનિયામાં ભાગ્યેજ કોઈ બીજા એથ્લીટની હશે! પોતાની 24 વર્ષની કારકિર્દીમાં સચિને ઘણા બધા રેકોર્ડ્સ પોતાના નામે કર્યા. સચિન જેવું બનવું એ દરેક ખેલાડીનું સ્વપ્ન છે. વિરાટ કોહલીએ તો ક્રિકેટ રમવાની શરૂઆત સચિનને રમતા જોઇને કરી હતી. હમણાં જ રીટાયર્ડ થયેલા ભારતના કપ્તાન એમએસ ધોનીએ કહ્યું હતું કે તેઓ સચિનના આઉટ થતાની સાથે જ ટીવી બંધ કરી દેતા હતા.

દુનિયાભરના સૌથી અમીર એથ્લીટસમાંથી એક છે સચિન

 2013માં જ સચિને ક્રિકેટને અલવિદા કહી દીધું હતું, પરંતુ આજેપણ તે દુનિયાભરના સૌથી અમીર એથ્લીટમાંથી એક છે. 2020માં સચિનની સંપત્તિ અંદાજીત 800 કરોડ જેટલી હતી અને એમાં પણ હજી ઘણો વધારો થવાનો બાકી છે. જેમાથી મોટાભાગની રકમ એ ક્રિકેટમાંથી જ આવી છે.

બ્રાંડ એન્ડોર્સમેન્ટમાંથી સચિને કરી કરોડોની કમાણી

સચિન ઘણીબધી બ્રાન્ડ્સ જેવી કે કોકા-કોલા,એડીડાસ, જિલેટ,BMW સાથે જોડાયેલા રહ્યા. ફક્ત કોકા-કોલા સાથેનાં કરારમાં જ સચિને અંદાજીત 60 કરોડ જેટલી કમાણી કરી હતી. ક્રિકેટમાંથી સંન્યાસ લીધા બાદ પણ દર મહીને 50 હજાર જેટલી રકમ BCCI સચિનને ચુકવે છે.

ભારત રત્ન સચિન તેન્ડુલકર પાસે છે મુંબઈમાં અઢળક પ્રોપર્ટી

સચિનની હવેલીની કિમત અંદાજીત 60 કરોડ જેટલી છે. મુંબઈના બાંદ્રા વિસ્તારમાં સચિન પાસે વિશાળ પ્રોપર્ટી છે. રીયલ એસ્ટેટમાંથી પણ સચિને સારી એવી રકમ એકઠી કરી છે. ભારતનું સર્વોચ્ચ સન્માન ભારતરત્ન પણ સચિનને મળેલું છે. તેમાંથી પણ સચિનને દર મહિને સારી એવી રકમ મળતી રહે છે. એટલું જ નહીં સચિનને પદ્મ વિભૂષણ, પદ્મ શ્રી, અને અર્જુન પુરષ્કારથી  પણ સન્માનિત કરવામાં આવ્યા છે.