ગોડ ઓફ ક્રિકેટ સચિન તેંડુલકરે બુધવારે પોતાની પત્નીનો જન્મ દિવસ ખાસ રીતે ઉજવ્યો હતો. તેણે ગુજરાતી હોટલમાં ભોજન લીધુ હતું.
સચિને ગુજરાતી હોટલમાં ઉજવ્યો અંજલિનો બર્થ ડે
ગુજરાતી ભોજનના વખાણ કરતાં થાકતો નથી સચિન
લંડનથી પુત્રી સારા તેંડુલકર પણ આવી હતી
10 નવેમ્બરે જન્મદિવસ
સચિન તેંડુલકરની પત્ની અંજલિ તેંડુલકરે 10 નવેમ્બરે તેનો 54મો જન્મદિવસ ઉજવ્યો હતો. મુંબઈની એક ગુજરાતી રેસ્ટોરન્ટમાં આખા પરિવારે ડિનર લીધું.આ દરમિયાન સચિન-અંજલિની પુત્રી સારા તેંડુલકર પણ જોવા મળી, જે હાલમાં લંડનમાં રહે છે.
had a સરસ gujarati thali...
ફેમિલી ડિનરની તસવીર શેર કરતા સચિન તેંડુલકરે લખ્યું, 'અંજલીના જન્મદિવસ પર શ્રી ઠાકર રેસ્ટોરન્ટમાં ગુજરાતી થાળીનો આનંદ માણ્યો. અંજલિનું ગુજરાતી કનેક્શન બહુ ગજબનું છે, પણ આ ખાધા પછી આપણા જીન્સના બટન ઢીલા કરવા પડશે. જાણીને નવાઈ લાગી કે આ રેસ્ટોરન્ટ 1945ની છે.
1995માં થયા લગ્ન
તમને જણાવી દઈએ કે સચિન તેંડુલકર તાજેતરમાં UAEથી પરત ફર્યો છે, સચિન મુંબઈ ઈન્ડિયન્સના સપોર્ટ સ્ટાફનો ભાગ છે. સચિન તેંડુલકર અને અંજલિ તેંડુલકરના લગ્ન 1995માં થયા હતા, બંનેને એક પુત્ર અને એક પુત્રી છે. સારા તેંડુલકર લંડનમાં રહે છે અને અર્જુન તેંડુલકર સક્રિય ક્રિકેટર છે.
પ્રભાવશાળી વ્યક્તિત્વ
સચિન તેંડુલકરને તાજેતરમાં ટ્વિટર પર વર્ષની 50 સૌથી પ્રભાવશાળી હસ્તીઓમાં સામેલ કરવામાં આવ્યો છે. આ યાદીમાં ટેલર સ્વિફ્ટ પ્રથમ ક્રમે હતી જ્યારે સચિન તેંડુલકરનું નામ 35મા સ્થાને હતું. પીએમ મોદી આ યાદીમાં બીજા નંબરે હતા.