ક્રિકેટ / સચિનની બાળપણના મિત્ર કાંબલી સામે બોલિંગ, VIDEO જોઇ ICCએ કહ્યું- નો બોલ

માસ્ટર બ્લાસ્ટર સચિન તેન્ડૂલકરનો એક વીડિયો સોશિયલ મીડિયામાં વાઇરલ થઇ રહ્યો છે. વીડિયોમાં સચિન પોતાના બાળપણના બેસ્ટ ફ્રેન્ડ વિનોદ કાંબલીને બોંલિંગ કરતા નજરે પડી રહ્યા છે. આ વીડિયોને ટ્વિટર પર શેર કરતા સચિનને લખ્યું, 'બાળપણના મિત્ર વિનોદ કાંબલી સાથે લંચ બ્રેક દરમિયાન નેટ પર વાપસી કરતા સારું લાગ્યું'. વીડિયોમાં સચિન પોતાના મિત્ર કાંબલીને બોલિંગ કરી રહ્યા હતા. 

આ ટ્વિટ પર ઇન્ટરનેશનલ ક્રિકેટ કાઉન્સિલ (ICC) મજાક કરવાનું ન ચૂકી. આઇસીસીએ મજાક કરતા જવાબમાં સચિનની સાથે એમ્પાયર સ્ટીવ બકનરનો ફોટો લગાવ્યો અને લખ્યું, 'તમારો આગળનો પગ જુઓ સચિન રમેશ તેન્ડૂલકર'. ફોટો સાથે સ્માઇલ પણ લગાવ્યું છે. 

આઇસીસીની સચિન સાથેનો આ મજાક ક્રિકેટ પ્રેમિઓને ખુબ પસંદ આવી રહ્યો છે. સચિન દ્વારા ટ્વિટ કરવામાં આવેલો આ વીડિયો 11 મેનો છે. તેમા સચિન કાંબલીને બોલિંગ કરી રહ્યા છે. આ ટ્વિટમાં લખ્યું કે, '@vinodkambli349 સાથે લંચ બ્રેક દરમિયાન નેટ પર વાપસી કરતા સારું લાગ્યું. અમારા શિવાજી પાર્કના બાળપણના દિવસોની યાદ તાજી થઇ. ખુબ ઓછા લોકો જાણતા હશે કે વિનોદ અને હું હંમેશા એક ટીમમાં જોવા મળતા હતા અને ક્યારેય એક-બીજા વિરુદ્ધ રમ્યા નહોતા.

આપને જણાવીએ કે સચિન તેન્ડૂલકર અને વિનોદ કાંબલી પ્રસિદ્ધ કોચ રમાકાંત અચરેકરના માર્ગદર્શનમાં શિવાજી પાર્કમાં ક્રિેકેટની એબીસીડી શીખ્યા હતા. પોતાન સ્કૂલના દિવસોમાં બંને ક્રિકેટરે શારદાશ્રમ સ્કૂલથી ઘણી ઇનિંગ્સ રમ્યા હતા.

Watch your front foot, @sachin_rt 😜 pic.twitter.com/eZ4N8mKGME

— ICC (@ICC) May 12, 2019