આજના જમાનામાં મોટા મોટા ખેલાડીઓ માનસિક બિમારીથી પીડાઇ રહ્યાં છે પરંતુ હવે લોકો પોતે માનસિક રીતે અસ્વસ્થ છે તેને લઇને ખુલીને બોલવા લાગ્યા છે. મહાન બેટ્સમેન સચિને પણ ઘણા સમય સુધી માનસિક પ્રેશરનો સામનો કર્યો છે.
ઇન્ટરવ્યૂમાં ખુલાસો
સચિને એક ઇન્ટરવ્યૂમાં ખુલાસો કર્યો છે કે તેને મૅચ પહેલા ઉંઘ નહોતી આવતી અને આવું 10 થી 12 વર્ષ સુધી થયુ હતુ. વધુમાં કહ્યું કે, હું પથારીમાં પડ્યો રહેતો અને પડખા ફેરવતો રહેતો. હું મૅચ વિશે જ વિચારતો રહેતો હતો પરંતુ એક દશક બાદ મને થયુ કે હવે હું મૅચ માટે તૈયાર છું. બાદમાં મેં આ બિમારીથી લડવાનું બંધ કરી દીધુ. મેં મૅચ પહેલા ટીવી જોવાનું શરૂ કર્યુ અને હું તે બધુ કરતો હતો જે સારુ પ્રદર્શન કરવામાં મને મદદ કરે.
માનસિક રીતે તૈયાર કરતો હતો સચિન
સચિન તેંડૂલકરે કહ્યું કે, મૅચ પહેલા તે માનસિક રીતે પણ તૈયારી કરતા હતા. આ શારીરિક નહી પરંતુ માનસિક તૈયારી છે. તે હંમેશા વિચારતા હતા કે આવતીકાલે હું કેવી રીતે રમીશ. હું ફેન્સની આશાઓ વિશે વિચારતો હતો અને મેદાનમાં ઉતરતો હતો.
આટલા પ્રેશરમાં હોવા છતાં સચિને ઇન્ટરનેશનલ ક્રિકેટમાં 100 શતક લગાવ્યા હતા અને 200 ટેસ્ટ તેમજ 463 વન ડે મૅચનું પ્રતિનિધિત્વ કર્યુ હતુ જેમાં તેણે 34 હજાર કરતા વધારે રન બનાવ્યા હતા.
શુભમન સાથે સચિનની દીકરીનું નામ જોડાય છે
શુભમન પોતાની બેટિંગ માટે જેટલો પોપ્યુલર છે તેટલો જ તેના લૂક્સને લઇને પણ રહે છે. હંમેશા તેનું નામ સારા સાથે જોડવામાં આવે છે.
શુભમનની બહેનને ફોલો કરે છે સારા
શુભમન ગિલની બહેનને સારા ફોલો કરે છે. પહેલા એવી જાણકારી મળી હતી કે માત્ર શુભમનને જ ફોલો કરે છે. હવે એકબીજાના પરિવારના સદસ્યોને ફોલો કરવામાં આવી રહ્યાં છે આ વાત ચોંકાવનારી છે.
સારા શુભમનની બહેન સેહનીલ ગિલને ફોલો કરે છે. બંને ભલે પોતાના સંબંધોને લઇને કોઇ ટિપ્પ્ણી ન કરતા હોય પરંતુ સોશ્યલ મિડીયા તમેના વિશે કંઇક ટિપ્પણી તો કરતુ જ રહે છે. થોડા સમય પહેલા બંનેએ એકબીજાના પોસ્ટ પર કમેન્ટ કરી હતી.