ઘરવાપસી / રાજસ્થાન કટોકટીમાં કોંગ્રેસ હાઈ કમાન્ડનો મોટો નિર્ણય, CM ગેહલોતે કહ્યું, લોકતંત્રને બચાવવા...

CM ગેહલોતે કહ્યું બધા સાથે મળીને ચાલો કારણ કે રાજ્યની જનતાએ આપણામાં વિશ્વાસ બતાવીને આપણી સરકાર પસંદ કરી છે. તેને જાળવવો આપણી જવાબદારી છે. આપણે રાજ્યની સેવા કરીએ છીએ. તેઓએ કહ્યું, આપણે બધા સાથે મળીને કામ કરીશું. જે સાથીઓ બાકી રહ્યા હતા તેઓ પણ પાછા આવી ગયા છે. હું આશા રાખું છું કે ફરિયાદો દૂર કરીને બધા મળીને રાજ્યની સેવા કરશે.

ત્રણ સભ્યોની સમિતિ ઉકેલશે મતભેદ

સચિન પાયલોટ છેલ્લા 1 મહિનાથી બળવાખોર વલણ અપનાવી રહ્યા હતા. તેમની સાથે ગુરુગ્રામમાં 18 બીજા ધારાસભ્યો ભેગા થયા હતા. રવિવાર-સોમવારે પાયલોટે સોનિયા ગાંધી, રાહુલ ગાંધી અને પ્રિયંકા ગાંધી સાથે વાત કરી હતી. આ પછી, પાર્ટી હાઈકમાન્ડે ગેહલોત અને પાયલોટ વચ્ચેના મતભેદોના સમાધાન માટે ત્રણ સભ્યોની સમિતિની રચના કરી હતી. પાયલોટે આશા વ્યક્ત કરી છે કે સમિતિ ટૂંક સમયમાં તેનું કામ શરૂ કરશે.

ડેપ્યુટી CM પ્રદેશ અધ્યક્ષ પદથી હટાવવામાં આવ્યા સચિન

મુખ્યમંત્રી ગેહલોતે સચિન પાયલોટ પર ભાજપ સાથે મળીને તેમની સરકારને તોડવાનું કાવતરું ઘડવાનો આરોપ લગાવ્યો હતો. આ પછી કોંગ્રેસના 102 ધારાસભ્યોને જયપુર અને ત્યાર બાદ જેસલમેર ખસેડવામાં આવ્યા હતા. તે જ સમયે, કોંગ્રેસે પાયલોટ સામે કાર્યવાહી કરતા તેમને ડેપ્યુટી CM - પ્રદેશ પ્રમુખ પદથી દૂર કર્યા હતા. આ સિવાય બે બળવાખોર ધારાસભ્યો પાસેથી પણ મંત્રીપદ પાછું ખેંચી લીધું હતું.