સાબુદાણા એ ઉપવાસ કરનારા માટે ખાસ અને પરંપરાગત વાનગી છે. સ્ટાર્ચથી ભરપૂર હોવાના કારણે તે પેટને ભરેલું રાખે છે.
સાબુદાણા પચવામાં સરળ રહે છે અને તેની ખીચડીનો સ્વાદ તમને ઉપવાસનો આભાસ થવા દેતો નથી. આ સાથે તે પચવામાં સરળ હોવાથી તમને અન્ય કોઈ સમસ્યા થતી નથી. આ સિવાય શરીરને પોષણ પણ સરળતાથી મળી રહે છે. તો જાણો તેને બનાવવાની સરળ રીત અને કરો ટ્રાય.
સૌ પહેલાં પલાળેલા સાબુદાણામાં એકાદ સ્પૂન તેલ નાખી તેને વરાળથી બાફી લો. આમ કરવાથી સાબુદાણા ચોટશે નહીં. હવે એક કઢાઈમાં સહેજ તેલ મુકી તેમાં મીઠો લીમડો અને જીરૂનો વઘાર કરો. સાબુદાણા નાખીને લગભગ 10-12 મિનિટ માટે સાંતળો. તેલમાં સિંગને પણ સાંતળી લો. બાદમાં તેને બહાર કાઢી લો. હવે બાફેલા બટાકાના ટુકડાં, સિંધવ મીઠું, મરચું, લીંબુનો રસ, દળેલી ખાંડ અને તળેલી સિંગ ઉમેરી બરોબર હલાવી લો. ખીચડીને બાઉલમાં કાઢી દબાવીને અનમોલ્ડ કરો. ત્યાર બાદ તેમાં ઝીણી સમારેલી કોથમીર, દાડમના દાણા અને ફરાળી ચેવડાથી ગાર્નીશ કરી સર્વ કરો.