લાભ / 4 દિવસ બાદ બંધ થઈ રહ્યું છે આ સરકારી યોજનાનું રજિસ્ટ્રેશન, જલ્દી ઉઠાવો ફાયદો

• 4 દિવસ બાદ બંધ થશે આ સરકારી યોજનાનું રજિસ્ટ્રેશન
• 'સબકા વિશ્વાસ યોજના'ની છેલ્લી તારીખ 15 જાન્યુઆરી 2020
• યોજનાનો લાભ લેવા ઝડપથી કરાવો રજિસ્ટ્રેશન

ટેક્સપેયર્સની ઓળખ ગુપ્ત રખાશે

આ યોજનાનું સૌથી મહત્વનું પાસું એ છે કે મિલકત અથવા બાકી આવકની જાહેરાત કરનારા ટેક્સપેયર્સની ઓળખ સંપૂર્ણપણે ગુપ્ત રાખવામાં આવશે. ટેક્સપેયર્સ દ્વારા લેવાયેલી તમામ કાર્યવાહી, લેણાંની ચુકવણી અને વિભાગ સાથે સંપર્ક કરવા માટે સંપૂર્ણ ઓનલાઇન રહેશે, જેથી પરેશાની અથવા ફરિયાદ થવાની સંભાવના ન રહે. આ યોજનાનું રજિસ્ટ્રેશન કરવાનું સૌથી સરળ છે. અને તેને માટે http://www.cbic-gst.gov.in પર લોગઈન કરી શકો છો. આ જાહેરાત પર વિભાગના ઉચ્ચ સ્તરના અધિકારી વિચાર કરે છે જેમાં સહાયક કે તેની ઉપરના પદના અધિકારીઓ સામેલ છે. 

ચાર મહિનામાં થશે કેસનો નિર્ણય 

યોજનાના આધારે ખુલાસો કરનારા ટેક્સપેયર્સના કેસમાં મહત્મ 4 મહિનામાં નિર્ણય આવશે. તેને ડિસ્ચાર્જ પ્રમાણપત્ર આપવામા આવશે. યોજનાનો લાભ લેનારા વ્યાપારી કે ઉદ્યોગ જગતને 30 ટકા ચુકવણી કરવાથી દંડ, વ્યાજ અને દાવાઓથી મુક્તિ મળી શકે છે. સૌથી મોટો ફાયદો નાના ઉદ્યોગપતિઓને મળશે, જેમની નાની રકમ મુકદ્દમામાં અટવાયેલી છે. કારણ કે તેમનો કોર્ટનો ખર્ચ 30%  કરથી વધારે હશે. વિભાગ વધુને વધુ લોકો સુધી યોજનાની માહિતી ફેલાવી રહ્યું છે. ઉપરાંત, કોઈપણ શંકાના નિવારણ માટે તમે ટોલ ફ્રી નંબર 1800-1200-232 પર કોલ કરી શકો છો.