અમદાવાદ / AMCના સફાઇ અભિયાન બાદ રિવરફ્રન્ટ પર ફરી કચરો ફેંકવાનું શરૂ થયું

કોપોરેશન દ્વારા અમદાવાદ શહેરમાં અને રિવરફ્રન્ટ ખાતે સ્વચ્છતા અભિયાન શરૂ કરાયું છે અને શહેરમાં ગમે ત્યાં કચરો ન ફેંકવાનું પણ કહેવામાં આવ્યું છે અને જો કોઇ વ્યક્તિ ગમે ત્યાં કચરો ફેંકે તો તેને તે માટે દંડ પણ ફટકારવામાં આવે છે. મ્યુનિસિપલ કોર્પોરેશનની ટીમ શહેર સ્વચ્છ રહે અને સુંદર દેખાય તે માટે ખૂબ સારા પ્રયાસ કરે છે, પરંતુ રિવરફ્રન્ટ ખાતે બીજા જ દિવસથી લોકોએ કચરો ફેંકવાનું શરૂ કરી દીધું છે. 

મ્યુનિસિપલ કોર્પોરેશન સ્વચ્છતા માટે આટલું કરે છે તે છતાં પણ  ભણેલા-ગણેલા લોકો પણ રસ્તા કે રિવરફ્રન્ટ પર ગમે ત્યાં કચરો ફેંકી દેતા જોવા મળે છે. રિવરફ્રન્ટ ખાતે લોકોને ફરવા માટે સુંદર સ્થળ બનાવાયું છે, પરંતુ ફરવા આવતા લોકો જ ગમે ત્યાં કચરો ફેંકી ગંદકી કરી રિવરફ્રન્ટને બદસૂરત કરી રહ્યા છે. લોકોને એ સન્સ જ નથી કે ગમે ત્યાં કચરો ફેંકી ગંદકી ન કરવી જોઈએ તેમ છતાં પણ તેઓ કચરો ફેંકી-ગંદકી કરીને જતા રહે છે.