અમદાવાદઃ પાટીદાર અનામત આંદોલન સમિતિના સહકન્વીનર અલ્પેશ કથિરીયા રાજદ્રોહના કેસ હેઠળ અમદાવાદની સાબરમતી જેલમાં છે. ત્યારે હાર્દિક પટેલ અલ્પેશના માતા સહિત સુરત શહેરમાંથી પાટીદાર સમાજના કેટલાક યુવાનો બાઇક પર સવાર થઈને અલ્પેશ કાથીરિયાને દિવાળીનો શુભેચ્છા સંદેશ પાઠવવા માંટે અમદાવાદ ખાતે પહોચ્યા હતાં.
અલ્પેશ કથીરિયાના શુભેચ્છકો દ્વારા આશરે 700 જેટલા દિવાળી શુભેચ્છા પાઠવતા કાર્ડ આપવામાં આવ્યા હતાં. હાર્દિક અને અલ્પેશના માતાએ પણ જેલમાં અલ્પેશ સાથે મુલાકાત કરી દિવાળીની શુભેચ્છા પાઠવી હતી. તેમણે અલ્પેશ ઝડપથી મુક્ત થાય તેવી આશા વ્યક્ત કરી હતી.
મહત્વનું છે કે રાજદ્રોહના કેસમાં અલ્પેશની ધરપકડ કરવામાં આવી હતી. ત્યાર બાદ તેને જેલમાં બંધ કરવામાં આવ્યો હતો. જેને લઇને પાસ દ્વારા સતત વિરોધ નોંધાવવામાં આવી રહ્યો છે.