ગજબ / ગુજરાતના આ પંથકમાં ઉડતી રકાબી અને એલિયને દેખા દીધા, સ્થાનિકે કેમેરામાં કેદ કરી તસવીરો, તંત્ર દ્વારા કોઈ પુષ્ટી નહીં

• સાબરકાંઠાના સબલવાડ ગામે UFO જેવી આકાર ધરાવતી આકૃતિ દેખાઇ 
• મોડી રાતે આકાશમાં દેખાયો ચમકતો ઉડતો પદાર્થ
• ધરતી પર ધુમાડાવાળી આકૃતિ પણ કેમેરામાં કેદ

 
સાબરકાંઠાના ઇડરના સબલવાડ ગામે UFO જેવી આકાર ધરાવતી આકૃતિ જોવા મળી છે. મોડી રાતે આકાશમાં ચમકતો ઉડતો પદાર્થ જોવા મળ્યો છે. ધરતી પર ધુમાડાવાળી આકૃતિ પણ કેમેરામાં કેદ થઇ ગઇ છે. 

પંથકમાં એલિયન દેખાયાની ચર્ચાએ જોર પકડ્યું

આકૃતિ માત્ર તસ્વીરમાં કેદ થઈ હતી. જે નરી આંખે જોઇ શકાતી નહતી. મોબાઈલ કેમેરો ટેસ્ટ કરતી વખતે આ તસવીર કેદ થઈ હતી. જેને લઇને પંથકમાં એલિયન દેખાયાની ચર્ચાએ જોર પકડ્યું છે.

ફોટો પાંચ દિવસ પહેલાનો છે

જોકે મળતી માહિતી અનુસાર આ ફોટો પાંચ દિવસ પહેલાનો છે. હિંમતનગરના દિગ્વિજયસિંહ નામના વ્યક્તિએ આ તસવીરને  કેમેરામાં કેદ કરી હતી. જોકે હાલ તંત્ર દ્વારા કોઈ ચોક્કસ પુષ્ટિ થઇ નથી.