સાબરકાંઠના એક ગામમાં નવા વર્ષને દિવસે લોકો રાષ્ટ્રગીત ગાઈને નવુ વર્ષ ઉજવે છે. અહીં આખુ ગામ એકઠુ થાય છે અને ભણતર ગણતરની વાતો કરી બેસતા વર્ષની શરૂઆત કરે છે. નવી નવી રૂઢીઓ અને પરંપરામાં આ ગામ અનોખી પરંપરા લઈને આવ્યુ છે. આ ગામના બાળકો પણ એક બીજા સાથે હરિફાઈ કરવાની જગ્યાએ એક બીજાને સહકાર આપે છે.
નવા વર્ષે અનોખુ સ્નેહ મિલન
રાષ્ટ્રગીત ગાઈને ઉમા માંની આરતી
ગ્રામજનો એકઠા થઈને રમે છે રાસ ગરબા
સાબરકાંઠામાં નવા વર્ષે અનોખુ સ્નેહ મિલન યોજાય છે. આજે પણ વડાલીના ભંડવાલ ગામે અનોખુ સ્નેહ મિલન યોજાયુ હતુ.
સાબરકાંઠાના વડાલીના ભંડવાલ ગામમાં અનોખી રીતે સ્નેહ મિલનના કાર્યક્રમનું આયોજન કરાયું. તમામ ગ્રામજનો એક ચોકમાં એકઠા થયા હતા. ગ્રામજનોએ મળીને રાષ્ટ્રગીત ગાઈને ઉમા માંની આરતી ઉતારી હતી. આખા ગામે મળીને સમૂહમાં મળીને નવા વર્ષના વધામણાં કર્યા હતા.
તમામ ગ્રામજનો ચોકમાં થયા એકઠા
ગ્રામ જનઓએ ભક્તિ અને દેશ ભક્તિનો શુભ સમન્વય સાધ્યો હતો અને સાથે જ અભ્યાસમાં પ્રથમ નંબર લાવનાર વિદ્યાર્થીઓને પ્રોત્સાહિતા કરાયા હતા.
ગ્રામજનો એકઠા થઇ રમે છે રાસ ગરબા
ગ્રામજનો એક સાથે મળીને નવા વર્ષના વધામણાં આપી દીધા બાદ રાસ ગરબા રમે છે. અને હરખની હેલી લે છે.