4 ઓગસ્ટના રોજ સાબરકાંઠા ગાંભોઇમાંથી નવજાત બાળકી જમીનમાં દાટેલી હાલતમાં મળી આવી હતી, જે બાદ ગંભીર હાલતમાં તેણે હોસ્પિટલમાં દાખલ કરવામાં આવી હતી.
જમીનમાંથી મળી આવેલી બાળકીનું મૃત્યુ
સાબરકાંઠાના ગાંભોઈમાંથી મળી આવી હતી બાળકી
9 દિવસની સારવાર બાદ થયું મૃત્યુ
રક્ષાબંધનના દિવસે દૂખદ સમાચાર મળી રહ્યા છે કે સાબરકાંઠાના ગાંભોઈમાં જમીનમાંથી મળી આવેલી બાળકીનું મૃત્યુ થયું છે. સિવિલ હોસ્પિટલમાં 9 દિવસ સુધી બાળકીની સારવાર ચાલી હતી. જે બાદ બાળકીએ આજે સવારે 4.50 વાગે જીવ છોડી દીધો છે. સિવિલ હોસ્પિટલ તંત્રએ ગાંભોઈ પોલીસને આ અંગે જાણ કરી છે. મહત્વનું છે કે બાળકીના માતા-પિતા બાળકીને જમીનમાં દાટી ગયા હતા પણ સચેતે બાળકી જમીનમાંથી જીવિત હાલતમાં મળી આવી હતી જે બાદ તેણે તાત્કાલિક સિવિલ હોસ્પિટલમાં ખસેડવામાં આવી હતી. તેના માતા-પિતાની ઓળખ કરી તેમની ઘરપકડ કરવામાં આવી હતી. બાળકીના પિતા હાલ જેલમાં છે. જ્યારે માતાને સિવિલ ખાતે રાખવામાં આવી હતી
નવજાત બાળકી વેન્ટિલેટર પર હતી
રાજ્ય સરકાર દ્વારા નવજાત શિશુ માટેના સ્પેશ્યાલિસ્ટ ડોક્ટરની પણ નિમણૂક કરવામાં આવી હતી. છેલ્લા 9 દિવસથી હિંમતનગર સિવિલ હોસ્પિટલના તમામ સ્ટાફ બાળકીનો જીવ બચાવવાનો યતકિંચિત પ્રયાસ કરી રહ્યો હતો. નવજાત બાળકીનું વજન 1 કિલો 30 ગ્રામ છેબાળકીને ચેપ સહિત કમળાની અસર પણ થઇ હતી.
કોર્ટે પિતાને કોર્ટે જ્યુડિશિયલ કસ્ટડીમાં મોકલ્યો
હિંમતનગર ખાતેથી એક નવજાત જીવિત બાળકી જમીનમાં દાટેલી અવસ્થામાં મળી આવી હતી. જમીન ખોદી તેણીને બહાર કાઢતા બાળકી જીવિત અવસ્થામાં હતી અને તેને નજીકની હોસ્પીટલમાં લઈ જવામાં આવી હતી. ત્યારબાદ પોલીસે બાળકીના માતા પિતાને ભિલોડાના નંદાસણથી ઝડપી પાડ્યા હતાં.આજે આરોપી પિતાને કોર્ટમાં રજૂ કરાયો જેમાં કોર્ટે તેને જ્યુડિશિયલ કસ્ટડીમાં મોકલ્યો હતો બાળકીની માતા હાલમાં સિવિલ હોસ્પિટલમાં સારવાર હેઠળ છે
આરોપીની ધરપકડ બાદ પોલીસે શું કહ્યું હતું
માતા પિતાની ધરપકડ બાદ જિલ્લા પોલીસ વડાનું નિવેદન આપતા જણાવ્યું હતું કે માતા-પિતાની આર્થિક સ્થિતિ ખરાબ છે. આ ઉપરાંત આ બાળકી અધૂરા માસે જન્મેલી હતી. આ બાળકી માતાપિતાનું બીજું સંતાન હતું. આરોપી માતા પિતાએ આ બાળકીના મામલે ગુનો કબૂલી લીધો છે. પોલીસે માતા મંજૂલા અને પિતા શૈલેષની ધરપકડ કરી લીધી છે. આ બંને મૂળ મહેસાણા રહેવાસી છે..આ બંને થોડા દિવસો પહેલા જ ગાંભોઇ રહેવા આવ્યા હતા. માતા-પિતા સામે પોલીસે કલમ 307 હેઠળ ગુનો દાખલ કરાયો છે.
જમીન ખોદતા જીવિત હાલતમાં બાળકી મળી આવી હતી
સાબરકાંઠાના હિંમતનગરના ગાંભોઈ વિસ્તારમાંથી એક ચોંકાવનારી ઘટના સામે આવી છે. ગાંભોઈ UGCVL ઓફિસની બાજુમાં એક નવજાત બાળકનો રડવાનો અવાજ આવતો હતો. જેથી ત્યાં હાજર શ્રમિકોએ રડવાનો અવાજ આવતા તેઓએ સ્થાનિકોને જાણ કરી.આથી બાળકના રડવાના અવાજના પગલે જ્યારે જમીન ખોદવામાં આવી તો અંદરથી જીવિત હાલતમાં બાળકી મળી આવી. આથી, તુરંત બાળકીને 108 મારફતે હોસ્પિટલ લઈ જવાઈ. આ મામલે ગાંભોઈ પોલીસને પણ જાણ કરાઈ. પોલીસે આરોપી માતા-પિતાની ઓળખ કરી કાયદેસરની કાર્યવાહી હાથ ધરી હતી.