કાર્યવાહી / હેડક્લાર્ક કાંડ: કૌભાંડીઓ પર તવાઈ બાદ હવે પેપર લેનારા વિદ્યાર્થીઓનો વારો, સાબરકાંઠા પોલીસે 4ને ઝડપ્યા

• પેપર લીક કૌભાંડ મામલે વધુ ખુલાસા
• વધુ 4 લોકોની અટકાયત થઇ 
• કુલ 78.46 લાખથી વધારેની રકમ કબ્જે કરાઇ

ગુજરાતમાં બહુચર્ચિત બનેલા પેપર લીક કૌભાંડ મામલે સાબરકાંઠા જિલ્લા પોલીસે વધુ 4 આરોપીઓને ઝડપી લઇ અત્યાર સુધીમાં કુલ 78.46 લાખની રકમ કબ્જે લીધી છે. ચાર વિદ્યાર્થીઓ પેપર લીક કૌભાંડમાં આરોપી બન્યા છે.

પેપર લીક કૌભાંડમાં આરોપીઓનો આંકડો 18 પહોંચ્યો
ગૌણ સેવા પસંદગી દ્રારા લેવાયેલ હેડ ક્લાર્ક વર્ગ -૩ ની પરિક્ષા યોજાયોલ હતી અને યુવરાજ સિંહ દ્રારા પેપર લીક થયા હોવાનો દાવો કરતા જ પોલીસે ફરિયાદ દર્જ કરી હતી જેમાં પ્રથમ પ્રાંતિજ પોલીસ સ્ટેશન ખાતે ૧૧ લોકો વિરુદ્ધ નામજોગ ફરિયાદ દર્જ કરવામાં આવી હતી જેમાં પ્રથમ ૮ આરોપી, બાદમાં ૩ અને ગઈ કાલે જયેશ પટેલ સહિત વધુ ૩ આરોપીઓ અને આજે વધુ ૪ આરોપી આરોપીઓની અટકાયત કરવામાં આવી છે જેમાં દાનાભાઈ ઉર્ફે કાનાભાઈ ખોડાભાઈ ડાંગર, કેયુર સંત કુમાર પટેલ, ક્રુપાલી સુરેશભાઈ પટેલ, હિમાની વિનુભાઈ દેસાઈ આજ રોજ અટકાયત કરવામાં આવી છે.તો હાલમાં અત્યાર સુધી ૧૮ આરોપીઓની અટકાયત કરવામાં આવી છે જેમાં દિપક પટેલ પાસેથી ૧૪,૧૦,૦૦૦ તથા જયેશ પટેલ પાસેથી ૨૦,૦૦,૦૦૦ મળી આવેલ છે જેથી અત્યાર , સુધી અલગ મોબાઈલો તથા ગાડીઓ તથા રોકડ રકમ મળી કુલ ૭૮,૪૬,૦૦૦ નો મુદ્દામાલ કબ્જે કરેલ છે અને આગળની વધુ તપાસ હાથ ધરી છે.

પેપરકાંડના વધુ 4 આરોપીના નામ 

• દાનાભાઈ ઉર્ફે કાનાભાઈ ખોડા ભાઈ ડાંગર-અમદાવાદ 
• કેયુર સંતકુમાર પટેલ હિંમતપુર ઈડર સાબરકાઠાં
• કૃપાલી સુરેશભાઈ પટેલ ભૂવેલ ઇડર સાબરકાઠાં
• હિમાની વીનુંભાઈ દેસાઈ કડિયાદાર ઇડર સાબરકાઠાં

૫- ૫ લાખની ડીલ કરવામાં આવી
આમ તો જે ઝડપાયેલ ૩ વિદ્યાર્થીઓ સ્પર્ધાત્મક પરીક્ષા ની તૈયારી કરી રહ્યા હતા અને તમામ પાસેથી ૫- ૫ લાખની ડીલ ડીમાન્ડ પણ કરવામાં આવી હતી.તો દાનાભાઈ ઉર્ફે કાનાભાઈ ખોડાભાઈ ડાંગર કે જેઓ અમદાવાદ રૂરલના ચીટીંગના ગુન્હામાં સાબરમતી જેલમાં હતા અને તેમની ટ્રાન્સફર વોરંટથી ધરપકડ કરવામાં આવી છે.તો પોલીસ હાલ તો વધુ મુદ્દાઓને લઈને તપાસ હાથ ધરી છે તો આ ઉપરાંત આરોપીઓને આજે કોર્ટમાં રજુ કરવામાં આવશે

કઈ રીતે પેપર લીક થયું?
સાણંદની પ્રિન્ટિંગ પ્રેસમાંથી કિશોર આચાર્યએ ખાનગી રીતે પેપરની ચોરી કરી હતી. જે મંગેશને રૂપિયા લઈ અપાયું હતું. દેવલ પટેલની મદદથી જયેશ પટેલ પાસે પેપર પહોંચ્યું હતું. કિશોર આચાર્ય અને મંગેશ શિરકેની ઘરપકડ પોલીસ પહેલાથી કરી ચૂકી હતી. ઘણા સમયથી ફરાર મુખ્ય આરોપી જયેશ પટેલ ઉપરાંત પેપર આપનારા બે ઉમેદવાને ગઈકાલે પોલીસે ઝડપ્યા છે. આ બન્ને ઉમેદવાર હિંમતનગરના જ છે. જેમાં એકનું નામ રિતેશ ઉર્ફે ચકો પ્રજાપતિ છે. જ્યારે બીજાનું નામ રોનક છે.. રિતેશે જયેશ પાસેથી 12 લાખમાં પેપર લેવા માટે ડીલ કરી હતી. જ્યારે રોનકે 5 લાખમાં ડીલ કરી હતી.  જયેશ અને દેવલ પટેલે લાખો રૂપિયામાં પેપર વેચ્યા હોવાની આશંકા છે. જોકે દેવલ પટેલ હજુ પણ પોલીસ પકડથી દૂર છે.. પેપર લીક કરવામાં મુખ્ય રોલ કિશોર આચાર્યનો હતો. જેને પેપેર લીક કર્યું હતું. અને મંગેશ શીરકેને આપ્યું હતું. અને મંગેશ પાસેથી તમામ સ્થળોએ પેપર સર્ક્યુલેટ થયું હતું.