ગુજરાતમાં ચોરીની ઘટના આમ બની ગઈ છે. ચોરી લૂંટફાટના ગુના આચરતી મોટી મોટી ગેંગ હાલ સક્રિય છે. કોઈ સોનાની ચોરી તો કોઈ આગડિયા પેઢીના કર્મી પાસેથી પૈસા છીનવી ફરાર થઈ રહ્યું છે. ત્યારે દેશમાં ચંદનના વૃક્ષોની તસ્કરીનું પ્રમાણ ખૂબ જ વધી રહ્યું છે. આંતર રાજ્ય ચંદન ચોરીનો પર્દાફાશ થયો છે...સાબરકાંઠા LCB પોલીસે રાજસ્થાનની 14 શખ્સોની ટોળકીને ઝડપી છે.
ચંદનના વૃક્ષોની તસ્કરી તેમજ અન્ય સહિત 21 ગુનાના ભેદ ઉકેલ્યા
રાજસ્થાનની આ ચોર ટોળકીમાં લગભગ 21 જેટલા આરોપીઓ સામેલ હતા જે ચંદનના વૃક્ષો જ્યાં હોય ત્યાં રેકી કરી ચોરીની ઘટનાને અજામ આપતા હતા. અનેક રાજ્યો બાદ તેમને ગુજરાતમાં અનેક ચોરીની ઘટનાને અજામ આપ્યો હતો. ચંદનના વૃક્ષોની વધતી તસ્કરીની ફરિયાદ સાંભળી પોલીસ પણ આરોપીએ ઝડપવા મથામણ કરી રહી હતી પણ આતરરાજ્ય ચોરીની ઘટનાને અંજામ આપી આ ટોળકી રાજ્ય બહાર ફરાર થઈ બીજી ચોરીની તૈયારીમાં લાગી જતી હતી. પણ આખરે આ ચોરો હવે પોલીસના સકંજામાં આવી ગયા છે.સાબરકાંઠા LCB પોલીસે ચંદન ચોર ગેંગ ઝડપી લીધી છે. શખ્સોની પૂછપરછ કરવામાં આવાત 21 ગુનાના ભેદ ઉકેલાય ગયા છે.
'હમ નહીં સુધરેંગે'નામની 14 આરોપીઓની ટોળકી મચાવતી તરખાટ
સાબરકાંઠા LCB પોલીસે ચંદન ચોર ગેંગ પર વોચ ગોઠવી પકડી પાડી છે. અને સાથે જ રૂ.9 લાખથી વધુનો મુદ્દામાલ કબ્જે લીધો છે. તમને જાણીને નવાઈ લાગશે કે આ 14 આરોપીઓની ચોર ટોળકીનું નામ 'હમ નહીં સુધરેંગે' હતું. રાજસ્થાનની 'હમ નહીં સુધરેંગે' નામની ચોર ટોળકી આતર રાજ્ય ચંદન ચોરી કરતી હતી. જે પોલીસના હાથમાં ઝડપાઇ ગઈ છે. ગેંગના 8 શખ્સોની ધરપકડ કરી તેમની કડક રીતે પૂછપરછ કરવાંમાં આવી રહી છે તો બીજી તરફ હજુ પણ ફરાર 6 જેટલા આરોપીઓની પોલીસ દિવસ રાત એક કરી શોધી રહી છે. ચંદન ચોરી કરતી આ ગેંગ ઝડપાતા હજુ પણ વધુ ગુનાના ભેદ ખૂલે તો નવાઈની વાત નથી.
કડક પાઠ ભણાવી હમ સુધરકર રહેગે ગેગ થવી જરૂરી
નામ એવા જ ગુણ ધરાવતી આ ચોર ટોળકીને કડક કાયદાનો પાઠ ભણાવવો જરૂરી છે. અને લાંબા સમય માટે જેલના સળિયા પાછળ ધકેલી હમ નહીં સુધરેગે માંથી હમ સુધરકર રહેગે ગેંગ થાય ત્યાં સુધી આકરી સજા થવી જરૂરી છે. પ્રાથમિક તપાસમાં આ ગેંગ ફક્ત ચોરીની ઘટનાને અજામ આપતી હતી પણ તેમને આચરેલા અન્ય ગુનાની તપાસ હાલ ચાલુ છે. પોલીસે હાલ 8 આરોપીઓની ધરપકડ કરી ચૂકી છે ફરાર 6 આરોપીઓને પકડવા ચક્રો ગતિમાન કર્યા છે.