ગૌરવ / હિંમતનગરની આ યુવતી 1900 સ્પર્ધકોને મ્હાત આપી પહોંચી મિસ ઇન્ડિયા ફાઈનલમાં

1900 પ્રતિસ્પર્ધીઓને આપી માત

હિંમતનગરમાં રહેતી રંજના પાંડેના પિતા ટેક્સટાઇલ કંપનીમાં મેનેજર છે અને તેની માતા ગૃહિણી છે. તેણીએ કહ્યું કે તેણે 1900 પ્રતિસ્પર્ધીઓને માત આપીને ટોપ -51માં પસંદ થઈ છે.નોંધનીય છે કે, તેઓ મૂળ ઉત્તર પ્રદેશની વતની છે પરંતુ એક વર્ષની હતી ત્યારથી હિંમતનગર ખાતે રહે છે. 

માનુષી છિલ્લરને માને છે પોતાનો આદર્શ

ધોરણ 12 સુધી હિંમતનગરમાં અભ્યાસ કરી અત્યારે આણંદ ખાતે હાલ તેણી પી.એમ.પટેલ કોલેજમાં ઓક્યુપેશનલ થેરાપીસ્ટનો તબીબી અભ્યાસ કરે છે. રંજનાએ કહ્યું કે, ફાઇનલમાં પહોંચવા માટે તેને વાટિંગની જરૂર છે. રંજના પાંડે મિસ વર્લ્ડ માનુષી છિલ્લરને પોતાના આદર્શ માને છે. 

વધુ મતદાન તેણીને બનાવી શકે છે મિસ ઇન્ડિયા

આ સ્પર્ધા જીત્યા બાદ તે મિસ ઇન્ડિયાની દાવેદાર બનશે. તેનું પરિણામ સપ્ટેમ્બરના બીજા અઠવાડિયામાં આવશે. રંજનાએ કહ્યું કે જો લોકો તેનો પ્રોજેક્ટ યુટયુબ પર જોશે તો તે પણ વાટિંગમાં ગણાશે.