પૂર્વ ભારતીય વિકેટકીપર સબા કરીમે ઓસ્ટ્રેલીયાને ટી20 વર્લ્ડ કપ 2022માં ટ્રોફી જીતવા માટેનું મોટું દાવેદાર જણાવ્યું છે. જાણો વિગતવાર
પૂર્વ ક્રિકેટર સબા કરીમે કરી ભવિષ્યવાણી
ઓસ્ટ્રેલીયાને જણાવ્યું ટી20 વર્લ્ડ કપ 2022 જીતવા માટેનું દાવેદાર
2021માં પણ ઓસ્ટ્રેલીયા જ હતું ચેમ્પિયન
ભારતનાં પૂર્વ વિકેટકીપર સબા કરીમને લાગે છે કે ઓસ્ટ્રેલીયા આવતા મહીને પોતાના ડોમેસ્ટિક મેદાન પર શરુ થનારા પુરુષ ટી20 વર્લ્ડ કપમાં ટ્રોફી જીતવાનું પ્રબળ દાવેદાર છે. ઓસ્ટ્રેલીયા દુબઈમાં રમવાના આવેલ ફાઈનલમાં ન્યુઝીલેન્ડને હરાવીને 2021માં પોતાનો પહેલી ખિતાબ જીત્યા બાદ ગત ચેમ્પિયનનાં રૂપમાં 16 ઓક્ટોબરથી શરુ થનારા ટી20 વર્લ્ડ કપમાં પ્રવેશ કરશે.
ટી20 વર્લ્ડ કપ માટે 2022નાં વિજેતાને લઈને થઇ ભવિષ્યવાણી
13 નવેમ્બરનાં રોજ મેલબર્ન ક્રિકેટ ગ્રાઉન્ડ માટે નિર્ધારિત ફાઈનલ સાથે, એરોન ફિન્ચની આગેવાનીમાં ટીમને પોતાના ખીતાબની રક્ષા કરવા માટે કરીમ સહીત ઘણા સદસ્યોનું સમર્થન પ્રાપ્ત છે. કરીમે કહ્યું કે મને લાગે છે કે તે એક મજબૂત પક્ષવાળી ટીમ છે. ટીમમાં ઘણા ખેલાડી એવા છે, જે સર્વશ્રેષ્ઠ બેટિંગ, બોલિંગ અને ફિલ્ડીંગમાં પોતાનું યોગદાન આપે છે.
આ ટીમ ઉઠાવી શકે છે ટ્રોફી
UAEમાં 2021માં ટી20 વર્લ્ડ કપ જીતનાર ટીમ લેગ સ્પિનર મિશેલ સ્વેપ્સનનાં સ્થાન પર ડેવિડને લાવીને બદલાવ કરવામાં આવ્યો છે. ઓસ્ટ્રેલીયાની પીચોમાં વધારે સ્પિન બોલિંગ વિકલ્પોની આવશ્યકતા નથી હોતી. કરીમે આગળ કહ્યું કે મોટા મેદાનમાં તમારે અમુક પાવર હિટર્સની જરૂર હોય છે.
T20 સીરીઝનાં બીજા મુકાબલામાં ભારતે ઓસ્ટ્રેલીયાને આપી છે માત
ઓસ્ટ્રેલીયા અને ભારત વચ્ચે ટી20 સીરીઝ રમાઈ રહી છે, જેમાં ગઈકાલે વરસાદને કારણે આ મેચને 8-8 ઓવરની જ રાખવામાં આવી હતી. કેપ્ટન રોહિત શર્માએ તોફાની અંદાજમાં રમતા રમતા 46 રન બનાવ્યા. તેમણે 20 બોલ પર ચાર ચોક્કા અને ચાર સિક્સર ફટકારી. રોહિતને પ્લેયર ઓફ ધ મેચ પસંદ કરવામાં આવ્યા હતા. રોહિત અને કેએલ રાહુલે માત્ર 2.4 ઓવરમાં જ 39 રન ફટકારી દીધા. જોકે રાહુલનું યોગદાન આમાં 10 રનનું જ રહ્યું છે. અક્ષર પટેલે પણ મેચમાં બે વિકેટ લીધી હતી.