ક્રિકેટ જગત માટે મોટા સમચાર છે. ICC દક્ષિણ આફ્રિકાની માન્યતા રદ કરી શકે છે.
દક્ષિણ આફ્રિકામાં ક્રિકેટ બોર્ડનો આંતરિક વિવાદ વધી રહ્યો છે. ત્યારે આંતરિક વિવાદ વધતા સરકારે ક્રિકેટ બોર્ડને સસ્પેન્ડ કર્યું છે. ત્યારે હવે દક્ષિણ આફ્રિકાની ઓલમ્પિક બોડી SASCOSએ ક્રિકેટ બોર્ડને પોતાના હસ્તકમાં લીધું છે. આ નિર્ણયથી દક્ષિણ આફ્રિકાની ટીમ આંતરરાષ્ટ્રીય ક્રિકેટમાંથી બહાર થઈ શકે છે.
આ નિર્ણયથી હવે ICC દક્ષિણ આફ્રિકાની ટીમની માન્યતા રદ કરી શકે છે. અને ત્યાર બાદ આ ટીમ આંતરરાષ્ટ્રીય ક્રિકેટમાંથી બહાર થઈ જશે. SASCOSએ ક્રિકેટ દક્ષિણ આફ્રિકાને પત્ર લખીને CSAને હટાવવા માટે કહ્યું છે. CSA પર ગેરવહીવટ ગેરવર્તનનો આરોપ લાગતા કાર્યવાહીની માંગ કરાઈ છે.
આ મુદ્દે CSAએ પોતાની પ્રતિક્રિયા આપતા જણાવ્યું હતું કે CSA તેની મેમ્બર્સ કાઉન્સિલ સહિત SASCOSના નિર્ણયથી સહમત નથી અને તેઓને આ મુદ્દે SASCOS સાથે સંવાદ કરવાનો મોકો મળ્યો નથી. તેઓએ આ મુદ્દે કાયદાકીય મદદ લેવાનો પણ નિર્ણય કર્યો છે.