ભારતની સંરક્ષણ માહિતી મેળવવા માટે ચીન કરી રહ્યું છે સાઇબર એટેક
ડિફેન્સ સિસ્ટમ પર સાઈબર એટેકનો પ્રયાસ
રશિયા પાસેથી મળનારી એસ-400 એર ડિફેન્સ મિસાઈલ સિસ્ટમથી ચીન પરેશાન છે અને સતત ભારતની સંરક્ષણ તૈયારીઓની માહિતી પ્રાપ્ત કરવામાં જોડાયેલુ છે. સુત્રો તરફથી મળેલી માહિતી મુજબ, ભારતની સંરક્ષણ તૈયારીઓની માહિતી મેળવવા માટે ચીનના હેકર્સ દેશના સંરક્ષણ ક્ષેત્ર પર સાઈબર એટેક કરી રહ્યાં છે. સુરક્ષા એજન્સીઓએ આવા 40 કોમ્પ્યુટર્સની માહિતી સરકાર પાસેથી શેર કરી છે. જેને હેક કરવાનો પ્રયાસ કરવામાં આવ્યો છે. આ સાથે એજન્સીઓએ 100થી વધુ વેબ એપ્લિકેશનની માહિતી મેળવી છે. જેના દ્વારા હેકિંગનો પ્રયાસ કરાઈ રહ્યો છે.
1 થી 30 સપ્ટેમ્બરની વચ્ચે થયો સાઈબર એટેક
ચીનના હેકર્સ દ્વારા 1 સપ્ટેમ્બરથી 30 સપ્ટેમ્બરની વચ્ચે સાઈબર એટેકની ઘટનાઓને અંજામ આપવામાં આવ્યો. જેની માહિતી કેન્દ્ર સરકારની સાથે-સાથે રાજ્ય સરકારોને પણ આપવામાં આવી છે. જે 40 કોમ્પ્યુટર્સ હેકર્સે હેક કરવાનો પ્રયાસ કર્યો છે. તેમાં 11 જમ્મુ-કાશ્મીર, 7 કર્ણાટક અને 6 ઉત્તર પ્રદેશના છે.
આ રહસ્યની માહિતી એકત્રિત કરવાની તૈયારીમાં ચીન
સૂત્રો મુજબ, ચીન આ જાણકારી મેળવવાની પ્રયાસ કરી રહ્યું છે કે ભારત એન્ટી મિસાઈલ ડિફેન્સ સિસ્ટમની સાથે-સાથે પોતાના ફાઈટર જેટ્સને લઇને બીજા હથિયારોને કયા-કયા તૈનાત કરી રહ્યું છે. ચીનની જેમ પાકિસ્તાન પણ સાઈબર હેકર્સ દ્વારા ભારતની જાસૂસી કરી રહ્યું છે.