ગૃહ વિભાગનાં એડિશનલ સેક્રેટરી નિખિલ ભટ્ટ વિરુદ્ધમાં એક્શન લેવા માટે નિવૃત્ત DYSPનાં નામે PM મોદીને લેખિતમાં ફરિયાદ થતાં મામલો પોલીસ સ્ટેશન સુધી પહોંચ્યો છે. કોઈ અજાણ્યા શખ્સે નિવૃત્ત DYSPનાં નામે PM નરેન્દ્ર મોદીને પત્ર લખીને નિખિલ ભટ્ટ વિરુદ્ધમાં ફરિયાદ કરી છે. PMO થી DYSPનાં ઘરે લેટર આવતાં સમગ્ર મામલો સામે આવ્યો છે.
DYSP એસ.કે. મેકવાને અજાણ્યા વ્યક્તિ સામે ફરિયાદ કરી
શું મોદી - અમિત શાહમાં સત્ય સાંઈબાબા પ્રવેશી ગયા છે?
નવરંગપુરા વિસ્તારમાં આવેલા વાસુપૂજ્ય ટાવરમાં રહેતા નિવૃત્ત DYSP એસ.કે. મેકવાને ગુજરાત યુનિવિર્સટી પોલીસ સ્ટેશનમાં અજાણ્યા શખ્સ વિરુદ્ધમાં ફરિયાદ આપી છે. એસ. કે. મેકવાન વર્ષ ર૦૧૩માં નિવૃત્ત થયા હતા. જોકે તેઓ વર્ષ ર૦૦૯થી સસ્પેન્ડ હોવાનાં કારણે તેમને નિવૃત્તિમાં મળવાપાત્ર હકો મળ્યા નહીં, જેનાં કારણે તેમને ગૃહ વિભાગનાં તત્કાલીન સેક્શન ઓફિસર અને હાલનાં એડિશનલ સેક્રેટરી નિખિલ ભટ્ટ સામે વાંધો પડ્યો હતો. નિખિલ ભટ્ટ વિરુદ્ધમાં એસ. કે. મેકવાને અલગ અલગ જગ્યાએ રજૂઆતો કરી હતી.
કુરિયર ખોલતા નિવૃત DYSP ચોંકી ગયા
થોડા દિવસ પહેલાં મેકવાનનાં ઘરે પીએમઓથી એક કુરિયર આવ્યું હતું. જે ખોલીને જોતાં તેઓ ચોંકી ઊઠ્યા હતા અને સીધા ગુજરાત યુનિવિર્સટી પોલીસ સ્ટેશનમાં ફરિયાદ કરવા માટે પહોંચી ગયા હતા.
શું મોદી - અમિત શાહમાં સત્ય સાંઈબાબા પ્રવેશી ગયા છે?
એસ.કે. મેકવાનનાં નામે કોઈ અજાણ્યા શખ્સે નિખિલ ભટ્ટ વિરુદ્ધમાં PM નરેન્દ્ર મોદીને ફરિયાદ કરી હતી. મેકવાનનાં નામે થયેલી ફરિયાદમાં આરોપ થયા છે કે જ્યારે તે નિખિલ ભટ્ટને મળવા માટે જતા હતા ત્યારે ચારથી પાંચ કલાક પ્યુન સાથે બેસાડી રાખતા હતા અને મુલાકાત સમયે સત્ય સાંઇબાબાની અંધશ્રદ્ધાની અને ચમત્કારની વાતો કરતા કહેતા હતા કે, “બાબા રોજ મારી પીઠ પર હાથ ફેરવે છે, મારું બધું જૂઠું બાબા સાચું કરે છે.” “હા, હું જ સર્વાધીશ છું, જે ધારું તે કરું છું, મારી સત્તા છેક દિલ્હી સુધી ચાલે છે. રાજ્ય સરકારને ખિસ્સામાં લઈને ફરું છું. નરેન્દ્ર મોદી અને અમિત શાહમાં સત્ય સાંઇબાબા પ્રવેશી ગયા છે એટલે જ તેમનો વિજયરથ અટકતો નથી.
મેકવાનનાં નામે ફરિયાદ મોકલનાર વ્યક્તિની અમે તપાસ શરૂ
ગુજરાત યુનિવર્સિટી પોલીસ સ્ટેશનના PI એચ.એમ.વ્યાસે જણાવ્યું છે કે નિવૃત્ત DYSP એસ.કે.મેકવાનનાં નામે કોઈએ PMને નિખિલ ભટ્ટ વિરુદ્ધમાં ફરિયાદ કરી હતી, જેમાં તેમણે અમને લેખિતમાં જાણ કરી છે. મેકવાનનાં નામે ફરિયાદ મોકલનાર વ્યક્તિની અમે તપાસ શરૂ કરી છે.