IPL 2023 / રીવાબા જાડેજા બાદ હવે ઋતુરાજ ગાયકવાડની પત્નીએ જીત્યું લોકોનું દિલ, મેદાન પર MS ધોનીના કર્યા ચરણસ્પર્શ, જુઓ VIDEO

• ઋતુરાજ ગાયકવાડની ભાવિ પત્ની ઉત્કર્ષાનો વીડિયો વાયરલ 
• મેચ બાદ ઉત્કર્ષા એ મહેન્દ્ર સિંહ ધોનીના પગ સ્પર્શ કરી આશીર્વાદ લીધા 
• સોશિયલ મીડિયા પર આ વીડિયો ઝડપથી વાયરલ થઈ રહ્યો છે

એમએસ ધોનીની કપ્તાનીમાં ચેન્નાઈ સુપર કિંગ્સે ગુજરાત ટાઇટન્સને હરાવીને પાંચમી વખત IPL જીતી હતી. તેમના નેતૃત્વમાં ટીમનું પ્રદર્શન અદ્દભુત હતું. IPL 2023ની હાર સાથે શરૂઆત કરનારી આ ટીમે ફાઇનલ મેચમાં ગુજરાત ટાઇટન્સને 5 વિકેટે હરાવ્યું હતું. ચેન્નાઈ સુપર કિંગ્સે ટાઈટલ જીત્યા બાદ એમએસ ધોનીની પ્રશંસા થઈ હતી. 

IPL 2023ના અંત બાદ રવિન્દ્ર જાડેજાની પત્ની રિવાબાએ બધાની સામે પતિના પગ સ્પર્શ કરતી હોવાનો વીડિયો વાયરલ થઈ રહ્યો છે. આ વીડિયોમાં, જ્યારે રીવાબા જાડેજાના પગને સ્પર્શે છે, ત્યારે CSK ઓલરાઉન્ડર તેને ગળે લગાવે છે. આ વીડિયોની ખૂબ પ્રશંસા થઈ રહી છે, પરંતુ આ બધાની વચ્ચે ચેન્નાઈ સુપર કિંગ્સના સ્ટાર બેટ્સમેન ઋતુરાજ ગાયકવાડની ભાવિ પત્ની ઉત્કર્ષા પવારનો એક વીડિયો પણ સોશિયલ મીડિયા પર વાયરલ થઈ રહ્યો છે. સોશિયલ મીડિયા પર વાયરલ થઈ રહેલા આ વીડિયોમાં કહેવામાં આવી રહ્યું છે કે ચેન્નાઈ સુપર કિંગ્સની ટ્રોફી જીત્યા બાદ ઉત્કર્ષા એ મહેન્દ્ર સિંહ ધોનીના પગ સ્પર્શ કર્યા હતા. 

Utkarsha (Mrs. Rutu) taking blessing of Dhoni 😍❤️💛. So Cute and Adorable🤌💕💞 pic.twitter.com/o5xH5RHMew

— Sai Vamshi Patlolla (@sai_vamshi21) June 1, 2023

વાસ્તવમાં, IPL 2023 સમાપ્ત થયા પછી, સોશિયલ મીડિયા પર એક વીડિયો ઝડપથી વાયરલ થઈ રહ્યો છે. જેમાં ચેન્નાઈ સુપર કિંગ્સના કેપ્ટન એમએસ ધોની પોતાની ટીમના ખેલાડીઓ સાથે ટાઈટલ જીતની ઉજવણી કરતા જોવા મળે છે. આ દરમિયાન તે એક છોકરી પાસે જાય છે અને તેને ગળે લગાવે છે. જે બાદ તે છોકરી તેના પગને સ્પર્શ કરે છે. જણાવી દઈએ કે આ છોકરી ઋતુરાજ ગાયકવાડની લેડી લવ ઉત્કર્ષા છે. જેની સાથે તે થોડા દિવસોમાં લગ્ન કરવા જઈ રહ્યો છે. તે જ સમયે, એમએસ ધોની અને ઉત્કર્ષાનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. જેને ચાહકો ખૂબ પસંદ કરી રહ્યા છે.

મળતી માહિતી મુજબ ઋતુરાજ ગાયકવાડ અને ઉત્કર્ષા પવાર 3 જૂને એટલે કે આજે લગ્ન કરવા જઈ રહ્યા છે. આ બંનેની મહેંદી સેરેમનીની ઘણી તસવીરો સોશિયલ મીડિયા પર વાયરલ થઈ રહી છે. અહેવાલો અનુસાર, ઉત્કર્ષ પવાર પણ એક ક્રિકેટર છે, જે સ્થાનિક સર્કિટમાં મહારાષ્ટ્રનું પ્રતિનિધિત્વ કરે છે. ઉત્કર્ષા તેની છેલ્લી મેચ નવેમ્બર 2021માં રમી હતી.