ક્રિકેટ / ટીમ ઈન્ડીયાનો દિગ્ગજ બેટ્સમેન ન્યુઝીલેન્ડ સામેની ટી-20 સિરિઝમાંથી બહાર, કાંડામાં દુખાવો થયો

• આવતીકાલથી ભારત અને ન્યુઝીલેન્ડ વચ્ચે ટી-20 સિરિઝ
• ટીમ ઈન્ડીયાના દિગ્ગજ ઋતુરાજ ગાયકવાડને અપાયો આરામ
• કાંડાની ઈજાને કારણે બેંગ્લુરુના રિહેબ સેન્ટર મોકલાયો 

શ્રીલંકા બાદ ન્યુઝીલેન્ડનો સફાયો કરીને ટી-20 અને વનડે સિરિઝ જીતનાર ટીમ ઈન્ડીયાનું જોશ આજકાલ હાઈ છે. ફૂલ ફોર્મમાં રહેલી ટીમ ઈન્ડીયા હવે ન્યુઝેલન્ડ સામે ટી-20માં ટકરાશે. શુક્રવાર ભારતની ન્યુઝીલેન્ડ સામે ટી-20 સિરિઝ શરુ થઈ રહી છે પરંતુ તેમાં ભારતના એક દિગગ્જ ક્રિકેટરને આરામ આપવામાં આવ્યો છે. ઋતુરાજ ગાયકવાડને કાંડાના દુખાવાને કારણે ટી-20 સિરિઝમાંથી આરામ આપવામાં આવ્યો છે. અહેવાલો અનુસાર, તેને નેશનલ ક્રિકેટ એકેડમી બેંગ્લોર મોકલવામાં આવ્યો છે. ઋતુરાજ પ્રતિભાશાળી ખેલાડી છે. ગાયકવાડ કાંડાના દુખાવાને કારણે ત્રણ મેચની શ્રેણીમાંથી બહાર થઈ ગયો છે. 

શુક્રવારે રાંચીમાં ટી-20 સીરીઝની પહેલી મેચ
ટીમ ઈન્ડિયા શુક્રવારે રાંચીમાં ટી-20 સીરીઝની પહેલી મેચ રમશે. 

ઈજાને કારણે અગાઉ પણ મેચમાંથી રહ્યો હતો બહાર 
ઋતુરાજ અગાઉ પણ ઈજાના કારણે ખુબ જ પરેશાન રહી ચૂક્યો છે અને આ કારણે તે ટીમ ઈન્ડિયા તરફથી રમવાની તક પણ ગુમાવી ચૂક્યો છે. ગાયકવાડ કાંડાની સમસ્યાને કારણે ગત વર્ષે શ્રીલંકા સામેની ટી-20 શ્રેણી ચૂકી ગયો. તે વિન્ડિઝ સામેની વન ડે શ્રેણીમાંથી પણ બહાર થઈ ગયો હતો. તેઓ હવે ફરી એકવાર મુશ્કેલીઓનો સામનો કરી રહ્યો છે. જોકે હજુ સુધી ટીમ ઈન્ડિયામાં ઋતુરાજની જગ્યાએ કોણ લેશે તે અંગેની માહિતી સામે આવી શકી નથી. ઋતુરાજે ટીમ ઇન્ડિયા માટે અત્યાર સુધી 9 ટી20 મેચ રમી છે અને આ દરમિયાન તેણે 135 રન બનાવ્યા છે. તે વન-ડે મેચ પણ રમી ચૂક્યો છે. જોકે આ પછી તે ભારત તરફથી રમી શક્યો નથી. તેણે ટીમ ઇન્ડિયા માટે છેલ્લી મેચ ઓક્ટોબર 2022માં રમી હતી. આ તેની ડેબ્યૂ વન-ડે મેચ પણ હતી.