વિરોધી દેશ પર નિશાન સાધતા પુતિને કહ્યું કે તેમનો દેશ રૂસી ક્ષેત્રનો અમુક ભાગ હડપવા માંગે છે, તેવા દેશોને 'નોક આઉટ' કરી તેમના દાંત તોડી નાખીશું.
વિદેશી દુશ્મનો રોજબરોજ રશિયાના અમુક ભાગોને પડાઈ લેવાના પ્રયત્નો કરી રહ્યા છે
કોઈને કોઈ અમને બચકાં ભરવા માંગે છે
ગયા મહિને જ આપી હતી ચેતવણી
વિદેશી દુશ્મનો રોજબરોજ રશિયાના અમુક ભાગોને પડાઈ લેવાના પ્રયત્નો કરી રહ્યા છે
રશિયના રાષ્ટ્રપતિ પુતિને પોતાના વિરોધી દેશોને ઘણી સખત ચેતવણી આપી છે. તેમણે રશિયાનો વિરોધ કરનાર દેશો પર નિશાન સાધતા કહ્યું છે કે તેમનો દેશ રશિયાનો અમુક ભાગ લેવાની કોશિશ કરતાં દેશોને 'નોક આઉટ' કરી તેમના દાંત તોડી નાખીશું. તેમણે આપેલ આ ચેતવણી રશિયાના વિરોધી દેશ માટે છે. એક ન્યૂઝ એજન્સીએ જણાવતા કહ્યું કે "પુતિને કહ્યું હતું, વિદેશી દુશ્મનો રોજબરોજ રશિયાના અમુક ભાગોને પડાઈ લેવાના પ્રયત્નો કરી રહ્યા છે.
કોઈને કોઈ અમને બચકાં ભરવા માંગે છે
પુતિને વધુમાં કહ્યું કે "કોઈને કોઈ અમને બચકાં ભરવા માંગે છે કે પછી અમારા દેશના કોઈ ભાગને બચકાં ભરવા માંગે છે, પણ તે લોકોને ખબર હોવી જોઈએ કે જે લોકો આવું કરવા માંગે છે તેમના અમે દાંત તોડી નાખીશું, જેથી તેઓ અમને બચકાં જ ના ભરી શકે". પણ જોવા જઈએ તો સોવિયત સંધની હારમાં રશિયાનો ત્રીજો ભાગ જતો રહ્યો હતો, પણ રશિયા આજે પણ ક્ષેત્રફળની દ્રષ્ટિએ સૌથી મોટો દેશ છે. રશિયા એ હમણાં જ પોતાની સેનાનું આધુનિકરણ કર્યું છે, જો આંકડાની વાત કરીએ તો તે આ વર્ષે પોતાના દેશની સેના માટે 41 અરબ ડોલર રૂપિયા ખર્ચ કરવાનું છે.
ગયા મહિને જ આપી હતી ચેતવણી
હજી ગયા મહિને જ રાષ્ટ્રને સંબોધન કરતી વખતે પુતિને પશ્ચિમના દેશને ચેતવણી આપતા કહ્યું હતું કે રશિયાની સુરક્ષાને કોઈ નુકશાન થશે તો તેમનો દેશ ઝડપી અને સખત જવાબ આપશે. વધુમાં તેમણે કહ્યું હતું કે જે પણ લોકો રશિયાની સુરક્ષા પ્રત્યે ખતરો ઊભો કરશે, તેમને ઘણો પસ્તાવો થશે.પુતિને પોતાના દેશના પરમાણુ શસ્ત્રોને આધુનિક કરવાના સંકેતો પણ આપ્યા હતા અને કહ્યું હતું કે સેના આધુનિક મિસાઈલો અને બીજા નવા હથિયારો ખરીદવાનું ચાલુ રાખશે.