ચિંતાજનક / મિત્રતાની વાતો કરતા રશિયાએ પાકિસ્તાન સાથે મળી ભારતને આપ્યો આ ઝટકો

• સંયુક્ત સૈન્ય અભ્યાસને  DRUHZBA-5 નામ આપ્યું
•  પાકિસ્તાન અને રશિયાની વચ્ચે આ 5મો સંયુક્ત સેના અભ્યાસ છે
• આ અભ્યાસ 2016થી બન્ને દેશો વચ્ચે દર વર્ષે થાય છે

પાકિસ્તાની સેનાએ ટ્વીટ કરી આની જાણકારી આપી હતી . પાકિસ્તાની સેના તરફથી આવેલા નિવેદનમાં કહેવામાં આવ્યુ છે કે પાકિસ્તાન અને રશિયાની વચ્ચે આ 5મો સંયુક્ત સેના અભ્યાસ છે. આ સંયુક્ત અભ્યાસ 2 અઠવાડિયા ચાલશે. આ અભ્યાસનો હેતું આતંકવાદને પહોંચી વળવા બન્ને દેશોના અનુભવોને શેર કરવાનો છે.

આ અભ્યાસ 2016થી બન્ને દેશો વચ્ચે દર વર્ષે થાય છે. તેમાં આતંકવાદ વિરોધી અને વિશેષ સૈન્ય ઓપરેશન પણ સામિલ છે. અભ્યાસમાં સ્કાય ડાઈવિંગ અને બંધકોને છોડાવવા જેવી ગતિવિધિઓ કરવામાં આવે છે. 

જોકે રશિયાના પાકિસ્તાન સાથેના સૈન્ય અભ્યાસની ભાગીદારીને લઈને ભારત વિરોધ કરતું રહ્યું છે. ભારતે રશિયાને અનેક વાર વાંધો વ્યક્ત  કરતા કહ્યું કે આતંકવાદને છાવનારા પાકિસ્તાન સાથે સેન્ય અભ્યાસ અયોગ્ય છે. આનાથી સમસ્યા વધશે. જોકે રશિયાએ તેને ધ્યાન પર નથી લીધું.

શીતયુદ્ધ સમયે પાકિસ્તાને રશિયા વિરોધી જૂથ એટલે કે અમેરિકાનો સાથે આપ્યો હતો. જોકે નવા વૈશ્વિક ક્રમમાં બન્ને દેશોની વધતી નજદીકી ભારત માટે ચિંતાજનક છે.

ઉલ્લેખનીય છે કે ગત કેટલાક વર્ષોમાં રશિયાએ તાલિબાન સાથે સંપર્ક વધાર્યો છે જે ભારતના વલણથી વિરુદ્ધ છે. રશિયા પોતે પણ તાલિબાનીઓની વિરુદ્ધ નોર્ધન એલાયન્સને સમર્થન આપે છે. તાલિબાન પર પાકિસ્તાનનો સારો એવો પ્રભાવ છે. જો કે રશિયા અફઘાનિસ્તાનમાં નવી પરિસ્થિતિઓને ધ્યાનમાં રાખી પાકિસ્તાનને એક મહત્વ પૂર્ણ ભૂમિકામાં જોઈ રહ્યું છે. જ્યારે પાકિસ્તાન રશિયા અને ચીન સાથે પોતાનું ભવિષ્ય જોઈ રહ્યું છે.