રશિયાના વિપક્ષી નેતા અને રાષ્ટ્ર્પતિ વ્લાદિમીર પુતિનના વિરોધી એલેક્સી નવલનીની હાલત ગંભીર છે અને તેમને વેન્ટીલેટર પર રાખવામાં આવ્યા છે. તેમના પ્રવક્તાએ જણાવ્યું કે, વિમાનયાત્રા વખતે તેમની ચામાં કોઇએ ઝેર ભેળવી દીધુ હતું. જેથી તેમની તબિયત લથડી ગઇ હતી.
વ્લાદિમીર પુતિનના વિપક્ષના નેતાની હાલત ગંભીર
વિમાનયાત્રા વખતે ચામાં અપાયુ ઝેર
હોસ્પિટલમાં દાખલ નવલની છે કોમામાં
કોમામાં છે નવલની
નવલનીના પ્રવક્તા કીરાએ આ જાણકારી ટ્વિટર દ્વારા આપી હતી. તેમણે લખ્યું કે, નવલની ખતરામાં છે. તે કોમામાં જતા રહ્યાં છે અને ગરમ ચામાં ઝેર ભેળવ્યું હોવાથી શરીરમાં તે જલ્દી જ પ્રસરાઇ ગયું હતું. પોલિસની ટીમ હોસ્પિટલ પહોંચી ગઇ હતી. હાલમાં તે આઇસીયુમાં છે.
વિમાનમાં થઇ ઉલ્ટીઓ
નવલનીના પ્રવક્તાએ જણાવ્યું કે, તે સવારે માત્ર ચા જ પીવે છે અને માટે જ તેમની ચામાં ઝેર ભેળવવામાં આવ્યું હતું, વિમાનની અંદર નવલની ઉલ્ટીઓ કરવા લાગ્યા હતા. જેથી ફ્લાઇટનું ઇમરજન્સી લેન્ડિંગ કરાવવું પડ્યું હતું.
રિપોર્ટ અલગ-અલગ
આ વચ્ચે રશિયાની ન્યુઝ એજન્સીએ ઓમસ્ક ઇમરજન્સી હોસ્પિટલના સૂત્રોએ દાવો કર્યો છે કે આ જાણકારી સાચી નથી કે નવલનીને ઝેર આપવામાં આવ્યું હતું.