રશિયા: ચોથી વખત રાષ્ટ્રપતિ બનનાર પુતિનનો દેશભરમાં ઉગ્ર વિરોધ હજારો લોકોની ધરપકડ

મોસ્કોઃ સમગ્ર રશિયામાં વ્લાદિમીર પુતિનનો વિરોધ થઈ રહ્યો છે. પુતિન વિરુદ્ધ લોકો દેખાવો કરી રહ્યા છે. ત્યારે દેખાવો કરનાર એલેક્સ સહિત બે હજાર લોકોની અટકાયત કરવામાં આવી છે. સમગ્ર રશિયામાં પુતિન વિરુદ્ધ ભારેલા અગ્નિ જેવી સ્થિતિ સર્જાઈ છે.

મહત્વનું છે કે પુતિન સરકાર સામે ભ્રષ્ટાચારનો આરોપ છે. જેને લઈને પુતિન સત્તા છોડે તેવી લોકો માગણી કરી રહ્યા છે. જેને લઈને લોકો વિરોધ પર ઉતર્યા છે. અને માર્ગો પર ઉતરીને પુતિન વિરુદ્ધ સૂત્રોચ્ચાર કરી રહ્યા છે. તો પાટનગર મોસ્કો સહિત 20 શહેરમાંથી હજારો લોકોની ધરપકડ કરવામાં આવી છે.


ઉલ્લેખનીય છે કે પુતિન આજે ચોથી વખત રાષ્ટ્રપતિપદની જવાબદારી સ્વીકારશે. પરંતુ તેને લઇને ઉગ્ર વિરોધ પ્રદર્શનો શરૂ થયા છે. હજારો લોકોએ પુતિન વિરૂદ્ધ મોસ્કોના પુશ્કિન સ્ક્વેર પર દેખાવો કર્યા. લોકો પુતિન ફરીથી રાષ્ટ્રપતિ પદ સંભાળશે તેના વિરોધમાં પ્રદર્શન કરી રહ્યા હતા.



પ્રદર્શનકારીઓની આગેવાની એન્ટી-કરપ્શન કેમ્પેનર અને પુતિનના વિરોધી એલેક્સી નવાલ્નીએ કરી હતી. જોકે માર્ગો પર ઉતરેલા વિરોધકર્તાઓની ધરપકડ કરવામાં આવી રહી છે.