મીઠી મૂંઝવણ / યુક્રેન પર આક્રમણ કર્યા બાદ રશિયાએ આપી ભારતને શાનદાર ઓફર, દેશવાસીઓને મળી શકે છે મોટી રાહત

• યુક્રેન પર આક્રમણની માઠી અસર
• રશિયા પર ઘણા દેશોએ લગાવ્યા છે પ્રતિબંધો
• ભારતમાં માટે મીઠી મૂંઝવણ

યુક્રેન પર રશિયાના હુમલાને જોતા અમેરિકા અને યુરોપિય દેશોએ રશિયા પર કેટલાય પ્રતિબંધો લગાવ્યા છે. પ્રતિબંધોથી પરેશાન રશિયાની તેલ કંપનીઓએ ભારતને તેલ પર ભારે ડિસ્કાઉન્ટ ઓફર કરી રહી છે. એક રિપોર્ટમાં જણાવ્યા અનુસાર રશિયાની તેલ કંપનીઓ ભારતને ક્રૂડ ઓયલની કિંમતમાં 25-27 ટકાની છૂટ આપવાની વાત કરી રહી છે. 

રશિયા સાથે ભારતના વેપારનો કોન્ટ્રાક્ટ

રશિયાની સૌથી મોટી સરકારી તેલ કંપની રોસનેફ્ટથી ભારત વધારે માત્રામાં ક્રૂડ ઓયલ ખરીદે છે. ગત વર્ષે ડિસેમ્બરમાં જ્યારે રશિયાના રાષ્ટ્રપતિ વ્લાદિમીર પુતિન ભારત આવ્યા હતા, ત્યારે રોલનેફ્ટ અને ઈંડિયા ઓયલ કોર્પોરેશને 2022ના અંત સુધી નોવોરોસ્સિએસ્ક બંદર દ્વારા ભારતને 2 કરોડ ટન સુધી તેલની આપૂર્તિ માટે એક કોન્ટ્રાક્ટ પર હસ્તાક્ષર કર્યા હતા. 

ભારત મધ્ય પૂર્વ પર તેલ ખરીદવા માટે નિર્ભર છે, પણ તે અમેરિકા અને રશિયા જેવા દેશોથી તેલ ખરીદીને પ્રોત્સાહન આપવા તરફ આગળ વધી રહ્યું છે, જેથી તેલની આયાતમાં વિવિધતા આવે.

ઓયલ પર ભારતને ઓફર થઈ રહ્યું છે મોટુ ડિસ્કાઉંટ

એક રિપોર્ટમાં જણાવ્યા અનુસાર સૂત્રોએ જણાવ્યું છે કે, રશિયાની તેલ કંપનીઓ બ્રેંટ ક્રૂડ ઓયલની જૂની કિંમતોમાં 25-27 ટકાની ચૂટ આપી રહ્યા છે. રશિયાની કંપનીઓ દ્વારા ભારે છૂટના સંકેત આપતા એક સૂત્રએ કહ્યું કે, પ્રસ્તાવ આકર્ષક છે. જો કે, હજૂ સુધી એા કોઈ સંકેતો નથી, કે તેલ ખરીદીની ચુકવણી કેવી રીતે કરવી.

જો કે, એવું પણ કહેવાય છે કે, પ્રતિબંધોની વચ્ચે રશિયા સાથે વેપાર શરૂ કરતા પહેલા ભારત અત્યંત સતર્ક રહેવા માગે છે. યુક્રેન પર રશિયાના ચાલી રહેલા હુમલાની વચ્ચે તેને તેલ ખરીદવું કેટલાય દેશો નારાજ થઈ શકે છે, કારણ કે, તેને નાણાકીય સહાય તરીકે પણ જોઈ શકાય છે. 

યુદ્ધના કારણએ રશિયાના ક્રૂડ ઓયલમાં મોટી ખોટ આવી

પ્રાઈવેટ બેંકના એક ચીફ એક્ઝીક્યૂટિવે જણાવ્યું હતું કે, આ રશિયાની સમસ્યા છે કે, તે પોતાના ઉત્પાદનો વેચવા સક્ષમ નથી. યુદ્ધના કારણએ ક્રૂડ ઓયલની કિંમતમાં 90 ડોલર પ્રતિ બૈરલ વધીને 115 ડોલર પ્રતિ બૈરલ થઈ ગઈ છે, જેનાથી તેલ ખરીદવા માટે ભારતને વધારે રૂપિયા આપવા પડી રહ્યા છે. આપણે તેલ આયાત માટે અન્ય વિકલ્પો શોધવા જોઈએ.

રશિયા સાથે વેપાર કરવો મુશ્કેલ

રશિયાની કેટલીય બેંકોને સ્વિફ્ટ બેંકીંગ સિસ્ટમમાંથી કાઢી નાખવામાં આવી છે. જેના કારણે રશિયાની સાથે વેપાર કરવું વિશ્વના અન્ય દેશો માટે કઠણ સાબિત થઈ રહ્યું છે. ભારતની સરકાર અને ભારતીય રિઝર્વ બેંક રશિયાથી પોતાની આયાત માટે ચૂકવણીનો રસ્તો શોધી રહ્યા છે, ભારતીય બેંકો અને કંપનીઓ તેને લઈને કોઈ રસ્તો શોધવા માટે વાતચીત કરી રહ્યા છે.