રશિયા / કોરોના વોર્ડમાં નર્સ એવી PPE કીટ પહેરીને પહોંચી હતી કે તેના પર આવી પડ્યું હવે આ સંકટ

• રશિયાની નર્સની તસવીર વાયરલ થયા બાદ વિવાદ 
• યુનિફોર્મના નિયમો તોડવા બદલ નર્સ સામે કાર્યવાહી શરુ 
• કેટલાક સહકર્મીઓ નર્સના સમર્થનમાં ઉતર્યા 

રશિયાની હોસ્પિટલમાં પુરુષ કોરોના વોર્ડમાં અન્ડરગાર્મેન્ટ્સમાં જ પારદર્શક પ્રોટેક્શન સૂટ પહેરીને આવેલ નર્સને હવે પોતાની નોકરી ગુમાવવાનો ડર સતાવી રહ્યો છે. નોંધનીય છે કે આ નર્સની તસવીર સમગ્ર વિશ્વમાં ખૂબ વાયરલ થઇ રહી છે જે બાદ સ્વાસ્થ્ય મંત્રાલય દ્વારા અનુશાસનને ધ્યાનમાં રાખીને કાર્યવાહી શરુ કરી દીધી છે. મંત્રાલય અનુસાર નર્સે યુનિફોર્મથી જોડાયેલા નિયમો તોડ્યા છે જેથી કાર્યાવાહી કરવામાં આવી રહી છે. 

સમર્થનમાં આવ્યા લોકો 

જોકે ઘણા લોકો નર્સના સમર્થનમાં ઉતરી આવ્યા છે. ઘણા બધા તબીબો, સહકર્મી અને રાજનેતાઓ કહી રહ્યા છે કે સરકાર સરખી PPE કિટ ઉપલબ્ધ કરાવે. જે કિટ આપવામાં આવે છે તે નુકસાનકારક છે. 

નર્સે કરી સ્પષ્ટતા 

આ મામલે નર્સે સ્પષ્ટતા કરી હતી કે, મને આ વાતનો અહેસાસ નહોંતો કે PPE ગાઉન આટલું ટ્રાન્સપરન્ટ હોઇ શકે છે. આપને જણાવી દઇએ કે, આ કીટ ભારે હોવાથી શરીર પર પહેર્યા બાદ ખૂબ જ ગરમી થતી હોય છે તેમ છતાં દવાખાનામાં કામ કરતા ડોક્ટર્સથી લઇને સ્ટાફ આ ગાઉન ફરજીયાત પહેરે છે. 

સોશિયલ મીડિયામાં ચર્ચા 

નર્સની આ તસવીર વાયરલ થયા બાદ ઘણા બધા લોકો નર્સની આલોચના કરી રહ્યા છે તથા કેટલાક તો નર્સનું સમર્થન પણ કરી રહ્યા છે. આ સાથે સમર્થનમાં આવેલ લોકોએ એમપણ જણાવ્યું કે, આ મહામારીના સમયમાં તેણીએ દર્દીઓને હસાવ્યા હતો ખરાં.