રશિયાની એક કોરોના હોસ્પિટલમાં ટ્રાન્સપરન્ટ પીપીઈ કિટ પહેરીની સારવાર કરનારી નર્સ નાદિયા જુકોવા હવે ન્યૂઝ એન્કરની ભૂમિકામાં જોવા મળશે. નાદિયાને માસ્કોના 100 મીલની દૂરી પર તુલાની એક પર્સનલ ન્યૂઝ ચેનલના એન્કર તરીકે પાર્ટ ટાઈમ નોકરી આપી છે. અહીં તે શરૂઆતના સમયમાં હવામાન સંબંધિત જાણકારી આપતી જોવા મળી હતી.
ટ્રાન્સપરન્ટ પીપીઈ કિટ પહેરીને સારવાર કરનારી નર્સ બની ન્યૂઝ એન્કર
કપડાંની બબાલથી આવ્યું નોકરી પર સંકટ
સ્પોર્ટ્સ બ્રાન્ડે આપી મોડલિંગની ઓફર, નાદિયાએ ઓફર નકારી
મોડલિંગની આવી ઓફર
ટ્રાન્સપરન્ટ પીપીઈ કિટ પહેર્યા બાદ ચર્ચામાં આવેલી નાદિયાને રશિયાની એક સ્પોર્ટ્સ કંપનીની તરફથી મોડલિંગની ઓફર આવી છે. તેઓએ સમયની અછત ગણાવીને તેને નકારી દીધી હતી. નાદિયા નર્સની ભૂમિકા અદા કરી રહી છે અને સાથે ડોક્ટરની ટ્રેનિંગ પણ લઈ રહી છે.
નાદિયાએ ન્યૂઝ એન્કર બનવાને લઈને વ્યક્ત કર્યો આનંદ
ન્યૂઝ એન્કરના રૂપમાં પોતાની ભૂમિકાને લઈને નાદિયાએ કહ્યું કે તે ખૂબ ઉત્સાહિત છે. તેઓએ ન્યૂઝ ચેનલનો આભાર માન્યો અને કહ્યું કે તે આ તકનો પૂરો લાભ લેશે. મે મહિનામાં રશિયામાં કોરોના વોર્ડમાં ટ્રાન્સપરન્ટ પીપીઈ કિટ પહેર્યા બાદ તેની નોકરી પર પણ ખતરો સર્જાયો હતો. જેના કારણે સોશ્યિલ મીડિયામાં પણ તે ચર્ચાનો વિષય બની હતી.
નાદિયાએ પીપીઈ કિટ મુદ્દે આપી હતી આ સફાઈ
નાદિયાએ પીપીઈ કિટ મુદ્દે પોતાની સ્પષ્ટતા આપતાં હોસ્પિટલને કહ્યું કે તેઓને એ વાતનો અહેસાસ નથી કે તેણે જે પીપીઈ કિટ પહેરી તે વધારે પારદર્શી છે. જ્યારે તેને આ વાતનો ખ્યાલ આવ્યો ત્યારે તે હોસ્પિટલમાં ડ્યૂટી માટે પહોંચી ચૂકી હતી.
નાદિયાના સમર્થનમાં આવ્યા હતા ડોક્ટર્સ અને નેતા
જ્યારે નાદિયાના ડ્રેસને લઈને રશિયાના સ્વાસ્થ્ય મંત્રાલયે કાર્યવાહી શરૂ કરી ત્યારે તેના સમર્થનમાં હોસ્પિટલના ડોક્ટર્સ, અન્ય સહકર્મી અને રાજનેતાઓ સામે આવ્યા હતા. તેઓએ આરોપ લગાવવાની સાથે માંગ કરી કે કોરોના વાયરસ વોર્ડમાં કામ કરનારાને યોગ્ય પીપીઈ કિટ આપવામાં આવે. તેઓએ કહ્યું કે જે પીપીઈ કિટ આપવામાં આવી છે તે એટલી પાતળી છે કે સ્વાસ્થ્યકર્મીઓને નુકસાન કરી શકે છે.