ચેતવણી / VIDEO : યુવાને 1 સેકન્ડમાં દેખાડી સૂઝબુઝ લિફ્ટમાં મોતને આપી હાથતાળી, વીડિયો જોઈને કંપી જશો

• સોશિયલ મીડિયા પર લિફ્ટનો વીડિયો થયો વાયરલ 
• ફ્લોર પર ન રોકાતા લિફ્ટ અચાનક ઉપર જવા લાગી
• યુવાને પાછળ પડીને પોતાની ગર્દન કટાતા બચાવી લીધી
• રશિયાના ક્રાસ્નોદર શહેરનો વીડિયો થયો વાયરલ 

બહુમાળી બિલ્ડિંગોમાં ઉપર કે નીચે જવા માટે લિફ્ટનો ઉપયોગ સામાન્ય છે પરંતુ ઘણી વાર લિફ્ટ દુર્ઘટનાનું કારણ બનતી હોય છે અનેક ક્યારેક તો મોત પણ થઈ જતું હોય છે. સોશિયલ મીડિયા પર લિફ્ટની દુર્ઘટનાનો એક વીડિયો વાયરલ થયો છે. અહીં એક બિલ્ડિંગના ફ્લોર પર લિફ્ટ અટકતી નથી અને અચાનક ઝડપથી ઉપર જવા લાગે છે અને લિફ્ટમાંથી બહાર આવતા વ્યક્તિ પોતાની સુઝબૂઝથી અચાનક પાછળની બાજુએ પડી જઈને પોતાનો જીવ બચાવી લે છે. હવે આ અકસ્માતનો વીડિયો સોશિયલ મીડિયા પર એકદમ વાયરલ થઈ રહ્યો છે. 

શું છે આ વીડિયોમાં?
આ વાયરલ વીડિયો એક બિલ્ડિંગમાં લાગેલા સીસીટીવી કેમેરાનો છે. આવામાં તમે જોશો કે લિફ્ટ એક ફ્લોર પર આવે છે. તેનો દરવાજો ખૂલે છે અને એક માણસ એલિવેટરની અંદરથી બહાર આવવા લાગે છે, જ્યારે એક માણસ એલિવેટરમાં પ્રવેશે છે. બહાર નીકળતી વ્યક્તિ જેવો પગ બહાર મૂકે છે કે તરત જ લિફ્ટ દોડવા લાગે છે અને તેના દરવાજા બંધ થવા લાગે છે. 
સોશિયલ મીડિયા પર આ ડરામણો વીડિયો જોઈને લોકો કંપી ઉઠ્યાં હતા.  રિપોર્ટ અનુસાર આ સીસીટીવી ફૂટેજ રશિયાના ક્રાસ્નોદર શહેરના એક એપાર્ટમેન્ટમાં છે.

અન્ય પ્લેટફોર્મ પર પણ વીડિયો શેર થયો 
આ વીડિયોને સોમવારે યૂટ્યૂબ પર એક યૂઝરે શેર કર્યો છે. ત્યાર બાદ તે સતત વાયરલ થઇ રહ્યો છે. લોકો તેને અન્ય સોશિયલ મીડિયા પ્લેટફોર્મ પર પણ શેર કરી રહ્યા છે.