કોરોના સામેની લડાઈમાં દેશભરમાં રસીકરણ અભિયાન શરૂ કરવામાં આવ્યું છે. ત્યારે હવે ગુજરાતમાં રશિયન રસીનું આગમન થયું છે.
ગુજરાતમાં સ્પુતનિક વેક્સિનનું આગમન
ખાનગી હોસ્પિટલને અપાઇ સ્પુતનિક
પ્રથમ દિવસે 225 લોકોએ લીધી વેક્સિન
ઉલ્લેખનીય છે કે, રસીકરણ અભિયાનમાં ભારત બાયોટેકની કોવેક્સીન (covaxin), સીરમ ઇન્સ્ટીટયુટની કોવીશિલ્ડ (covishield) બાદ ત્રીજી વેક્સિન તરીકે રશિયાની કોરોના વેક્સિન sputnik V ની એન્ટ્રી થઈ છે. જેમાં અમદાવાદ-સુરતની ખાનગી હોસ્પિટલને આ સ્પુતનિક રસી આપવામાં આવી છે.
સુરત અને અમદાવાદના લોકોને અપાઈ રસી
ગુજરાતમાં સૌ પ્રથમ વાર સુરત શહેરથી નાગરીકોને આ રસી આપવાની શરૂઆત કરવામાં આવી છે. ગુજરાતમાં સુરત અને અમદાવાદમાં કોરોનાની રશિયન રસી સ્પુતનિક -વી આપવામાં આવી રહી છે. જેમાં કિરણ હોસ્પિટલમાં રજીસ્ટ્રેશન કરાવીને નાગરિકો આ વેકિસન લેવા માટે એપોઈમેન્ટ લઈ શકે છે.જેમાં પ્રથમ દિવસે અમદાવાદમાં 155 અને સુરતમાં 70 લોકોને અપાઇ સ્પુતનિક રસી આપવામાં આવી હતી.
મોર્ડનાનો પહેલો જથ્થો ભારત આવશે
કેન્દ્ર સરકારને આશા છે કે કોરોના વાયરસની રસી મોર્ડનાનો પહેલો જથ્થો આવતા કેટલાક દિવસોમાં ભારત પહોંચી શકે છે. સૂત્રોએ શનિવારે એક ન્યૂઝ ચેનલને આ જાણકારી આપી. તમામ રસી વિશ્વ સ્વાસ્થ્ય સંગઠન(ડબ્લ્યૂએચઓ) દ્વારા શરુ કરવામાં આવેલા રસીકરણ કાર્યક્રમ કોવેક્સ નો ભાગ છે અને આ રીતે ભારતને મોર્ડના રસી આપવાની તૈયારી થઈ રહી છે. કોવેક્સ એક વૈશ્વિક પહેલ છે. જે અંતર્ગત આવેલા સ્તરને નજર અંદાજ કરી તમામ દેશોને ત્વરિત અને સમાન રુપથી કોવિડ 19ની રસી આપવાનો પ્રયાસ કરવામાં આવી રહ્યો છે.
ભારતમાં મોર્ડનાની રસી કોવેક્સ અંતર્ગત મળશે
મોર્ડનાના એક પત્રમાં 27 જૂને ડીસીજીઆઈને સૂચના આપી કે અમેરિકન સરકાર અહીં ઉપયોગ માટે કોવિડ 19ના પોતાની રસીના એક વિશેષ સંખ્યામાં ડોઝ ‘કોવેક્સ’ના માધ્યમથી ભારતને દાન કરવા સહમત થઈ છે. સાથે તેમના માટે સીડીએસસીઓ પાસે મંજૂરી માંગી છે. સિપલાએ 28 જૂને અમેરિકન ફાર્મા કંપનીઓ તરફથી આ રસીની આયાત અને વિતરણનો અધિકાર આપવા માટે ઔષધિ નિયામકને અરજ કરી હતી. જેને 29 જૂનના રોજ મંજૂરી મળી ગઈ છે.