તબાહી / રશિયન એટેકમાં 13 બાળકો સહિત 136નાં મોત, ખારકીવમાં બોમ્બમારાથી 21નાં મોત : UNનો સૌથી મોટો દાવો

• આખરે પુતિને આર યા પારની જંગ છેડી જ દીધી
• ખેરસોનમાં પોલીસ હેડક્વાર્ટરને કરાયું તબાહ
• ખારકિવમાં 21 ના મોત તો 112 લોકો થયા ઘાયલ

મહત્વનું છે કે, ખારકિવના મેયરે એવો દાવો કર્યો છે કે, આ હવાઈ હુમલામાં 21 લોકોના મોત થયા છે, જ્યારે 112 લોકો ઘાયલ થયા છે. આ સિવાય ખારકિવમાં જ સ્થિત મિલિટરી એકેડમી પર રોકેટથી હુમલો કરવામાં આવ્યો છે. છેલ્લાં 9 કલાકથી ત્યાં આગ હજુ પણ ઓલવાઈ નથી. યુક્રેનના ગૃહ મંત્રાલયના સલાહકાર દ્વારા એક વીડિયો પણ જાહેર કરવામાં આવ્યો છે. તેમના કહેવા પ્રમાણે, આ વીડિયોમાં જોવા મળે છે કે કેવી રીતે પોલીસ વિભાગની ઇમારત પર રશિયન સૈન્યએ એટેક કર્યો હતો.

⚡️Sounds of powerful explosions in Kharkiv.

— The Kyiv Independent (@KyivIndependent) March 2, 2022

ખારકિવમાં થયેલા હુમલામાં 21ના મોત તો 112 ઘાયલ

ખાર્કિવના મેયરે કહ્યું કે, રશિયન હુમલામાં ખાર્કિવમાં 21 લોકોના મોત થયા છે અને 112 લોકો ઘાયલ થયા છે.

અત્યાર સુધીમાં 136 લોકોના મોત થયા

UN એ એવો દાવો કર્યો છે કે, યુક્રેનમાં 24 ફેબ્રુઆરીથી શરૂ થયેલા હુમલાથી 1 માર્ચ સુધી 13 બાળકો સહિત ઓછામાં ઓછાં 136 લોકો માર્યા ગયા છે. આ પહેલાં યુક્રેનના રાષ્ટ્રપતિ વોલોદીમિર ઝેલેંસ્કીએ કહ્યું હતું કે, માત્ર ચાર દિવસમાં જ રશિયાના ગોળીબારમાં 16 યુક્રેનિયન બાળકો માર્યા ગયા અને 45 ઘાયલ થયાં હોવાનું જાણવા મળી રહ્યું છે.

⚡️At least 136 people, including 13 children, have been killed in Ukraine since Thursday, February 24, the UN said on March 1.

Earlier Ukraine’s President Volodymyr Zelensky said 16 Ukrainian children were killed and 45 were injured in Russian shelling in just four days.

— The Kyiv Independent (@KyivIndependent) March 2, 2022

લગભગ 7 લાખ લોકોએ યુક્રેન છોડ્યું - UN

યુનાઈટેડ નેશન્સ હાઈ કમિશનર ફોર રેફ્યુજીના જણાવ્યાં અનુસાર, અત્યાર સુધીમાં યુક્રેનમાંથી 6 લાખ 77 હજાર લોકોએ પાડોશી દેશોમાં જઇને રહેવાનું શરૂ કરી દીધું છે. યુએનને આશંકા છે કે, શરણાર્થીઓની સંખ્યામાં વધારો થઇ શકે છે.

રશિયન એરટ્રૂપર્સે હોસ્પિટલ પર કર્યો હુમલો

રશિયાએ યુક્રેનના બીજા સૌથી મોટા શહેર પર હવે હુમલા વધારી દીધા છે. રશિયાએ પોતાના એરટ્રૂપર્સ લેન્ડ કરી દીધા છે. સમાચાર એવાં સામે આવી રહ્યાં છે કે, આ હવાઈ જવાનોએ એક હોસ્પિટલ પર હુમલો કર્યો છે. મળતી માહિતી મુજબ, રશિયન અને યુક્રેનનાં સૈનિકો વચ્ચે ધમાસાણ યુદ્ધ ચાલી રહ્યું છે.

Anton #Gerashchenko, an advisor to the head of #Ukraine's Ministry of Internal Affairs, published footage in which, according to his information, the building of the regional police department in #Kharkiv is being attacked. pic.twitter.com/pH10cb6rpH

— NEXTA (@nexta_tv) March 2, 2022

રશિયા-યુક્રેનની આજે વાટાઘાટો

રશિયા અને યુક્રેન વચ્ચે આજે બીજા તબક્કાની વાતચીત યોજાવા જઇ રહી છે. ત્યારે આ વાતચીત પહેલાં યુક્રેનએ યુદ્ધવિરામની માંગ કરી છે. બીજી તરફ ઇન્ટરનેશનલ કોર્ટ ઓફ જસ્ટિસ (ICJ) માં યુક્રેનના મુદ્દા પર 7 અને 8 માર્ચે સુનાવણી થશે.