યુક્રેન રશિયા યુદ્ધ વચ્ચે મારિયૂપોલમાં રશિયાની સેનાને મોટી સફળતા મળી હોવાનો દાવો કરવામાં આવ્યો છે.
રશિયા અને યુક્રેન વચ્ચે ભીષણ યુદ્ધ
યુદ્ધમાં રશિયાને મળી મોટી સફળતા
1 હજારથી વધારે સૈનિકોએ શરણાગતિ સ્વિકારી
યુક્રેન રશિયા યુદ્ધ વચ્ચે મારિયૂપોલમાં રશિયાની સેનાને મોટી સફળતા મળી હોવાનો દાવો કરવામાં આવ્યો છે. મારિયૂપોલમાં યુક્રેનની આખી બ્રિગેડે સરેન્ડર કરી દીધું છે. યુક્રેનની 36મી મરીન બ્રિગેડે આત્મસમર્પણ કરી દીધું છે. આ આત્મસમર્પણ અંતર્ગત 1026 સૈનિકોએ હથિયાર હેઠા મુકી દીધા છે. હથિયાર હેઠા મુકનારામાં 162 યુક્રેની અધિકારીઓ પણ સામેલ છે.
રશિયાનો દાવો છે કે, દોનેત્સ્કના બળવાખોર સાથે રશિયાની સેનાએ જે ઘેરાબંદી કરી હતી, તેમાં રશિયાને મોટી સફળતા મળી છે. આ અગાઉ આમને સામને લાંબી લડાઈ ચાલી હતી, જે બાદ 95 ટકા વિસ્તારમાં રશિયાએ કબ્જો કરી લીધો છે.
હવે ક્રીવરીને બનાવામાં આવી રહ્યું છે નિશાન
ક્રીવરી ખૈરસોનથી બિલ્કુલ નજીક આવેલો વિસ્તાર છે. અહીં 50 કિમીના અંતર પર રશિયા સેના રોકાયેલી હતી. ક્રીવરી રાષ્ટ્રપતિ જેલેંસ્કીનો પણ વિસ્તાર છે. અહીં પર લડાઈ સતત ચાલી રહી છે. ક્રીવરીને મેળવવાની કોશિશ ચાલી રહી છે. સમુદ્રથી આવરોજાવરો એકદમ રોકાઈ ગયો છે. અહીં ઈકોનોમિક હબ છે. એટલા માટે તેને ટાર્ગેટ કરવામા આવી રહ્યું છે. અહીં બહારના વિસ્તારમાં 15 ગામડા છે, જ્યાં આર પારની લડાઈ થઈ હતી.
સેન્ટ્રલ યુક્રેનના એક રેલ્વે સ્ટેશન પર મિસાઈલથી હુમલો
એક રિપોર્ટમાં જણાવ્યા અનુસાર હાલના સમયમાં યુક્રેનમાં યુદ્ધની ભીષણ અસર દેખાઈ રહી છે. નીરપ ઓબ્લાસ્ટમાં સેન્ટ્રલ યુક્રેનના એક રેલ્વે સ્ટેશનમાં મિસાઈલથી અટેક કરવામા આવ્યો હતો. આ હુમલામાં રેલ વ્યવસ્થા તબાહ થઈ ગઈ હતી. બે દિવસ પહેલા એરપોર્ટ પર પણ હુમલો કરવામાં આવ્યો હતો. એક રીતે જોવા જઈએ તો, રશિયા એક પૂર્વનિયોજીત રણનીતિ અંતર્ગત, પહેલા પૂર્વમાં અને હવે મધ્યમાં મોટા હુમલા કરી રહ્યું છે. અને ધીમે ધીમે દેશમાં આગળ વધી રહ્યું છે.
નરસંહારના નિશાન ભૂંસી રહ્યું છે રશિયા
આપને જણાવી દઈએ કે, યુક્રેને દાવો કર્યો છે કે, રશિયા સમગ્ર યુક્રેનમાં નરસંહારના નિશાન ભૂંસી નાખવા માટે અમાનવીય રીત અપનાવી રહ્યું છે અને તેના માટે રશિયા મોબાઈલ શબવાહિનીનો ઉપયોગ કરી રહ્યું છે. મારિયૂપોલમાં 13 મોબાઈલ વાહિની જોવા મળી હતી. તેની મદદથી રશિયા રસ્તા પર દેખાતા મૃતદેહોને ઠેકાણે પાડી રહ્યું છે. કહેવાય છે કે, બૂચામાં રશિયાએ જે નરસંહાર કર્યો હતો, તેના આરોપથી બચવા માટે કોશિશ કરી રહ્યું છે કે, રશિયા આવું કરી રહ્યું છે. રશિયા પોતાની પાછળ કોઈ પુરાવા અને નામોનિશાન છોડવા નથી માગતા.