રશિયન સૈન્યના યુક્રેન પર સતત હુમલાઓ શરૂ છે. કીવ, ખારકીવ, સુમી, મારિયુપોલ, ઓડેસા બોમ્બમારાથી થથરી ઉઠ્યું છે. પરંતુ રશિયાની નજર સતત કીવ પર જ છે. ત્યારે હવે રશિયન સૈન્ય સતત કીવ તરફ વધી રહ્યું છે. આ સાથે જ હુમલાઓ તેજ કરવાની તૈયારી પણ કરવામાં આવી રહી છે.
રશિયા-યુક્રેનની જંગનો આજે 16મો દિવસ
રશિયન સૈન્ય સતત કીવ તરફ આગળ વધી રહ્યું છે
કીવની બહાર 60 કિમી દૂર રશિયન સેના
રશિયા-યુક્રેનની જંગનો આજે 16મો દિવસ છે. પરંતુ યુદ્ધ થમવાનું નામ નથી લઇ રહ્યું. હકીકત એવી છે કે, યુક્રેનની રાજધાની કીવ પર રશિયન રાષ્ટ્રપતિ પુતિનની બાજ નજર જોવા મળી રહી છે. રશિયન સૈન્ય હવે કીવને બંને બાજુએથી ઘેરી રહ્યું છે. આ સાથે જ રાજધાની કીવ પર ટેન્ક એન્ટી ટેન્ક ગાઇડેડ મિસાઇલોથી હુમલા તેજ થઇ ગયા છે. આ સાથે જ ઉત્તરમાં ઇરપિન અને પૂર્વમાં બ્રોવરી પર સતત રશિયન સેના હુમલો કરી રહી છે. બંને તરફ હુમલાઓથી યુક્રેન થરથરી ગયું છે.
રશિયા-યુક્રેન પર ટેન્ક, પેરાટુપર્સ, ઇન્ફેંટ્રી, એન્ટી ટેંક ગાઇડેડ મિસાઇલથી હુમલા કરવામાં આવી રહ્યાં છે. એવામાં યુક્રેન તરફથી એવો દાવો કરવામાં આવ્યો છે કે, તેને બ્રોબરીમાં રશિયાને આકરો જવાબ આપતા 5 રશિયન ટેન્કોને નષ્ટ કરી દીધી છે.
કીવને આઉટરમાં 60 કિમી સુધી ઘેરી લેવાયું
એક ખાનગી અમેરિકી કંપનીએ એક સેટેલાઇટ ઇમેજ પણ જાહેર કરી હતી. જેમાં સ્પષ્ટપણે દેખાઇ આવે છે કે, જંગની શરૂઆતમાં રાજધાની કીવને રશિયન સેનાએ અંદાજે 60 કિમી સુધીના એરિયામાં ઘેરીને રાખ્યું હતું. જે મોટા ભાગે અધવચ્ચે બધું વિખરાયેલું હતું. પરંતુ હવે ફરીથી રશિયન સેના તૈનાત કરી દેવાઇ છે. સેટેલાઇટ ઇમેજમાં રશિયન સૈન્યનો મોટો કાફલો દેખાય છે. તે છેલ્લે એન્ટોનોવ એરપોર્ટ નજીક કીવના ઉત્તર-પશ્ચિમમાં દેખાઇ હતી.
તમામ ટેન્ક ફાયરિંગની પોઝિશનમાં
અમેરિકાની ખાનગી કંપની મૈક્સાર ટેક્નોલોજીએ સેટેલાઇટ ઇમેજ જારી કરતા જણાવ્યું કે, બખ્તરબંધ એકમો એરપોર્ટની નજીકના શહેરોમાં ઘૂસણખોરી કરી રહ્યાં છે. આ સાથે જ કાફલાની આગળ ઉત્તરમાં લુબ્યંકા નજીક તમામ ટેન્ક ફાયરિંગની પોઝિશનમાં આવી ગઇ છે.
કાફલો કીવની વધુ નજીક પહોંચ્યો
રશિયાએ યુક્રેનની રાજધાની કીવ પર કબજો કરવાની કોશિશ વધારે તેજ કરી દીધી છે. મળતી જાણકારી અનુસાર, 60 કિમી લાંબો જે રશિયાનો કાફલો હતો તે હવે અંદાજે કીવની વધારે નજીક પહોંચી ગયો છે. હવે તે સૈન્ય કાફલો આમથી તેમ ફેલાઇ ગયો છે અને ફરીથી તેઓ તૈનાત થઇ ગયા હતાં. આ કાફલો અનેક સમસ્યાઓના કારણે કેટલાંય દિવસોથી અટકાઇ ગયો હતો.
રિપોર્ટમાં થયો મોટો ખુલાસો
ઇન્સ્ટીટ્યુટ ફોર ધ સ્ટડી ઑફ વૉરએ પણ પોતાના રિપોર્ટમાં જણાવ્યું કે, રશિયન સૈન્ય ઉત્તરથી ક્રીમિયાના રસ્તા જેપોરીજિયા તરફ વધી રહી છે. રિપોર્ટમાં કહેવામાં આવ્યું કે, એવું લાગે છે કે, રશિયન સૈન્ય ક્રીમિયાથી જેપોરીજિયા શહેર તરફથી ઉત્તરમાં પોતાના ઓપરેશનને પ્રાથમિકતા આપી રહી છે.