સારા સમાચાર / વિશ્વના દેશોએ રશિયા પર લગાવેલા પ્રતિબંધોને કારણે ભારતને લોટરી લાગી, જાણો શું થશે ફાયદો

• ભારતમાં કાર ખરીદદારો માટે સારા સમાચાર 
• વધશે સેમીકંડક્ટરની સપ્લાય 
• ચિપની અછતથી ભારતમાં કારનાં વહેંચાણ પર અસર  

​​​​​​​ભારતમાં કાર ખરીદદારો માટે સારા સમાચાર 

રશિયા તથા યુક્રેન વચ્ચે જંગને કારણે દુનિયાભરમાં ઉથલ-પુથલ મચી ગઈ છે. ભારતીય અર્થવ્યવસ્થા પણ ખરાબ રીતે પ્રભાવિત થઇ રહી છે. શેર બજાર પડી રહી છે. મોંઘવારી પણ વધી રહી છે. કાચા માલની કિંમતો રેકોર્ડ બ્રેક કરી રહી છે. આટલા ખરાબ સમાચારો વચ્ચે ભારતમાં કાર ખરીદદારો માટે એક સારી ખબર પણ આવી રહી છે. આ ખબરને આપણે આપત્તિમાં અવસર પણ કહી શકીએ. જંગને કારણે રશિયા તથા યુક્રેનમાં કારની માંગ તથા ઉત્પાદન પર અસર જોવા મળી શકે છે જેથી અહી માટે નક્કી થનાર ચિપનું સપ્લાય બીજા દેશોને પણ મળી શકે છે, જેથી કાર કંપનીઓ પોતાના ઓર્ડર પૂરા કરવા માટે ઉત્પાદનની ઝડપ વધારી શકે છે. એટલે કે આવનાર સમયમાં, કાર માટે લાંબુ વેઈટીંગ ઘટી શકે છે તથા જો તમે પોતાની કારની રાહ જોઈ રહ્યા છો, તો તે તમને જલ્દી મળી શકે છે. 

ટોપની કાર કંપનીઓનાં રશિયામાં પ્રોડક્શન બંધ કરવાથી ભારતનાં કાર ગ્રાહકોને ફાયદો થઇ શકે છે. આ ફાયદો શું હશે તથા કેમ થશે, એ સમજવા માટે જુઓ આ વીડિયો.

રશિયામાં વિદેશી કંપનીઓ સમેટી રહી છે કારોબાર 
દુનિયાની મોટી કાર કંપનીઓએ રશિયા પર લાગેલા પ્રતિબંધોને કારણે ત્યાં પોતાનો કારોબાર બંધ કરી ઉત્પાદન સમેટવાની તૈયારીઓ શરુ કરી દીધી છે. આનો ફાયદો ભારતને થઇ શકે છે. દુનિયાભરમાં સેમીકંડક્ટરની શોર્ટેજને કારણે કાર તથા એસયૂવીનાં પ્રોડક્શનમાં અછત આવી છે. ભારતમાં પણ આ જ સ્થિતિ છે. ભારત દુનિયાના ટોપ કાર ઉત્પાદક દેશોમાં સામેલ છે તથા સેમીકંડક્ટરની અછતથી ભારતની ઓટોમોબાઈલ ઈંડસ્ટ્રી પર ખરાબ અસર પડી છે. રશિયામાં પ્રોડક્શન અટકવાને કારણે ત્યાના કાર ઉદ્યોગમાં ઉપયોગમાં લેવાતી ચિપ ભારત જેવા ઉભરતા વૈશ્વિક બજારોમાં મોકલાઈ શકાય છે. જેથી ભારતમાં એ ગ્રાહકોને ફાયદો થશે જેમણે પોતાની કાર કે એસયૂવીની ડિલીવરી માટે ખૂબ જ રાહ જોવી પડી રહી છે. ભારતમાં ઘણા વાહનો પર લગભગ 10 મહિના સુધીનો વેઈટિંગ પીરિયડ છે. 

ચિપની અછતથી ભારતમાં કારનાં વહેંચાણ પર અસર 
ભારત ઘરેલૂ કંપનીઓ સિવાય, દુનિયાની ઘણી મોટી કંપનીઓ જેવી કે હુંડઈ,  કિયા, ફોકસવેગન, રેનો વગેરે પણ પ્રોડક્શન કરે છે. રશિયામાં પ્રોડક્શન બંધ થવાથી આ કંપનીઓની ભારતમાં બ્રાંચ માટે સેમીકંડક્ટર ચિપની સપ્લાય ઝડપી થઇ શકે છે તથા તેને કારણે તેમના પ્રોડક્શનમાં પણ ઝડપ આવશે. ગત 1 વર્ષમાં ભારતમાં પ્રોડક્શન પર અસર પડી છે તથા કાર કંપનીઓને આશરે 5 અરબ ડોલરનો રેવેન્યૂ લોસ થયો છે. આ સમયે ભારતમાં સેમીકંડક્ટરની માંગ લગભગ 24 અરબ ડોલર છે તથા 2025 સુધી આ 100  અરબ ડોલર સુધી પહોંચી શકે છે. એક રિપોર્ટ અનુસાર, સેમીકંડકટર શોર્ટેજને કારણે, ચાલુ વર્ષમાં ભારતમાં કારનું વહેંચાણ 11-13 ટકા ઓછું રહી શકે છે, પરંતુ હવે આપણે આશા રાખી શકીએ કે રશિયાથી આવેલ આ ખબરથી સ્થિતિમાં સુધારો આવે.