BIG NEWS / વિશ્વ આખા પર મહામંદીનો ખતરો: રશિયાએ કહ્યું, ગેસ બંધ કરી દઇશું, ક્રૂડનો ભાવ જશે આસમાને

• રશિયાની ખુલ્લી વોર્નિંગ
• એનર્જી સપ્લાય પર પ્રતિબંધ લગાવવાનું સપને પણ વિચારતા નહીં
• જર્મનીને મળનાર ગેસ પાઇપલાઇન સપ્લાયને બંધ કરી દઇશું

રશિયાના નાયબ વડાપ્રધાન એલેક્ઝાંડર નોવાકએ કહ્યું કે, 'જો રશિયા પાસેથી ક્રૂડ ઓઈલના સપ્લાય પર પ્રતિબંધો લાદવામાં આવશે તો પશ્ચિમી દેશોએ પ્રતિ બેરલ $300 ના ભાવે ખરીદવા માટે તૈયાર રહેવું પડશે. આવાં કોઈ પણ પ્રતિબંધની વૈશ્વિક બજાર પર તેની મોટી અસર પડશે. વૈશ્વિક ક્રૂડ સપ્લાયમાં રશિયાનો હિસ્સો 8 ટકા છે, જ્યારે યુરોપ પુરવઠામાં 30 ટકા હિસ્સો ધરાવે છે. અમેરિકાએ તાજેતરમાં જ કહ્યું હતું કે, અમે યુરોપિય યુનિયન સાથે મળીને રશિયાનું ક્રૂડ સપ્લાય બંધ કરી દઇશું. ત્યાર પછી વૈશ્વિક બજારમાં ક્રૂડ 139 ડોલર પ્રતિ બેરલને પાર કરી ગયું હતું.

બંધ કરી દઇશું જર્મનની ગેસ સપ્લાય

નોવાકે યુરોપના દેશોને ચેતવણી આપતા જણાવ્યું કે, 'રશિયાની એનર્જી સપ્લાય પર પ્રતિબંધ લગાવવાનું વિચારતા પણ નહીં, નહીં તો અમે જર્મનીને મળનાર ગેસ પાઇપલાઇન સપ્લાયને બંધ કરી દઇશું. જો યુરોપ અમારી પાસેથી તેલ ખરીદવાનું બંધ કરવા માંગે છે તો તેની ભરપાઈ કરવામાં એક વર્ષથી વધુ સમય લાગશે. તે દરમિયાન વ્યક્તિએ મોંઘા તેલ ખરીદવા માટે પણ તૈયાર રહેવું પડેશે.

યુરોપે સમજી-વિચારીને નિર્ણય કરવાનો રહેશે

નોવાકે જણાવ્યું કે, 'યુરોપિયન દેશોએ પોતાના હિત વિશે વિચારવું જોઈએ. આવી સ્થિતિ માટે અમે પહેલેથી જ તૈયાર છીએ. જો અમારા પુરવઠાને ત્યાં અસર થશે તો અમે અન્ય બજારોમાં સપ્લાય શરૂ કરી દઇશું. યુરોપ અમારી પાસેથી પોતાની જરૂરિયાત મુજબ 40 ટકા ગેસ ખરીદે છે. અમારો પુરવઠો બંધ થવા બદલ અમે તેનું વળતર કેવી રીતે આપીશું? અત્યારે અમે આવા કોઈ જ નિયંત્રણો લાદવાનું વિચારી નથી રહ્યાં પરંતુ જો યુરોપ આગળ વધશે તો અમે પણ મજબૂર થઈશું.'