ગુડ ન્યૂઝ / અહીંના સ્વાસ્થ્ય મંત્રીએ કરી જાહેરાત, બસ ફ્કત 2 દિવસ અને આવશે દુનિયાની પહેલી કોરોના વેક્સીન

• 12 ઓગસ્ટે નોંધાઈ જશે કોરોનાની પહેલી વેક્સીન
• રશિયા આપશે વિશ્વને કોરોનાની પહેલી વેક્સીન
• ઓક્ટોબર મહિનાથી શરૂ કરી શકાશે વેક્સીનેશનઃ રશિયા સ્વાસ્થ્ય મંત્રી

રશિયાના સ્વાસ્થ્ય મંત્રી મિખાઈલ મુરાશ્કોએ દાવો કર્યો છે કે તેમને કોરોના વેક્સીનના ટ્રાયલમાં સફળતા મળી છે અને ઓક્ટોબર મહિનાથી દેશમાં મોટા પાયે વેક્સીનેશન શરૂ કરી શકાશે. તેઓએ પોતાના દેશના નાગરિકોને માટે રાહતની વાત કરતાં કહ્યું કે આ અભિયાનનો સંપૂર્ણ ખર્ચ સરકારનો રહેશે. નાગરિકો પર તેનો કોઈ ભાર નાંખવામાં આવશે નહીં.

12 ઓગસ્ટે દુનિયાની પહેલી કોરોના વેક્સીનની નોંધણી થશે

તો અન્ય તરફ રશિયાના ઉપ સ્વાસ્થ્ય મંત્રી ઓલેગ ગ્રિદનેવના આધારે વેક્સીનનું ત્રીજું ટ્રાયલ ચાલી રહ્યું છે અને તે મહત્વનું છે. તેઓએ વેક્સીન વિશે જણાવતાં કહ્યું કે તેનો ખ્યાલ તો ત્યારે જ આવશે જ્યારે મોટા પ્રમાણમાં લોકોમાં રોગ પ્રતિરોઘક ક્ષમતા વિકસિત થશે. આ સાથે તેઓએ કહ્યું કે 12 ઓગસ્ટે દુનિયાની પહેલી કોરોના વેક્સીનની નોંધણી કરવામાં આવશે. આ પહેલાં પણ રશિયાએ વેક્સીનને લઈને દાવો કર્યો હતો કે ક્લિનિકલ ટ્રાયલના સમયે જે લોકોને આ વેક્સીન આપવામાં આવી હતી તેમાં ઈન્યુનિટી એટલે રે રોગ પ્રતિરોધક ક્ષમતા વિકસિત થઈ છે. તેનાથી કહી શકાય કે આ વેક્સીન કારગર સાબિત થશે. 

જો કે વેક્સીનને લઈને રશિયાના આ દાવા પર અનેક શંકાઓ પણ છે. બ્રિટેન અને અમેરિકા સહિત અનેક અન્ય દેશોના વિશેષજ્ઞ આ વેક્સીનની સુરક્ષા અને પ્રભાવશીલતા પર પ્રશ્નો કરી રહ્યા છે. બ્રિટેને તો રશિયાની વેક્સીનના ઉપયોગથી ઈન્કાર કર્યો છે. તેનું કારણ છે કે રશિયાએ આ વેક્સીનના પરીક્ષણને લઈને કોઈ સાયન્ટિફિક ડેટા જાહેર કર્યો નથી. હવે અન્ય દેશ ભલે શંકા કરે પણ રશિયાને પોતાની વેક્સીનને લઈને કોઈ શંકા નથી. આ જ કારણે ઓક્ટોબરથી વેક્સીનેશન શરૂ કરવાની વાત કરી રહ્યું છે.