40 યુક્રેની સૈનિકોના મોત,યુદ્ધમાં અત્યાર સુધી 112 બાળકોના મોત
રશિયાએ શુક્રવારે યુક્રેન સાથે ચાલી રહેલા યુદ્ધમાં પોતાની લેટેસ્ટ કિંજલ હાઇપરસોનિક મિસાઇલોથી પહેલીવાર યુક્રેન પર હુમલો કર્યો હતો, જેમાં રશિયાના સંરક્ષણ મંત્રાલયે કહ્યું હતું કે રશિયન સેનાએ આ મિસાઇલનો ઉપયોગ પશ્ચિમી યુક્રેનમાં હથિયાર સ્ટોરેજ સાઇટને નષ્ટ કરવા માટે કર્યો છે.
40 યુક્રેની સૈનિકોના મોત
રશિયાએ કરેલા મિસાઈલ હુમલામાં 40 યુક્રેની સૈનિકોના મોત થયા છે. ઉલ્લેખનીય છે કે યુક્રેન યુદ્ધમાં અત્યાર સુધી 112 બાળકોના મોત થયા છે.
કિંજલ હાયપરસોનિક મિસાઈલ છોડી રશિયાએ
રશિયાએ અગાઉ ક્યારેય યુક્રેન સાથેના યુદ્ધમાં સ્વીકાર્યું નથી કે તેણે ઉચ્ચ ચોકસાઇવાળા શસ્ત્રોનો ઉપયોગ કર્યો છે. રશિયન સમાચાર એજન્સી આરઆઇએ નોવોસ્તીએ જણાવ્યું હતું કે પશ્ચિમ યુક્રેનમાં સંઘર્ષ દરમિયાન કિંજલ હાયપરસોનિક શસ્ત્રોનો આ પ્રથમ ઉપયોગ હતો. રશિયાના સંરક્ષણ મંત્રાલયે શુક્રવારે જણાવ્યું હતું કે રશિયાએ શુક્રવારે યુક્રેનમાં પ્રથમ વખત તેની નવી કિંજલ હાયપરસોનિક મિસાઇલોનો ઉપયોગ કરીને દેશના પશ્ચિમમાં આવેલા શસ્ત્રોના સ્ટોરેજ બેઝને નષ્ટ કર્યો હતો.
પહેલી વાર રશિયાએ વાપર્યું આ હથિયાર
રશિયાએ પશ્ચિમ યુક્રેનમાં સંઘર્ષ દરમિયાન કિંજલ હાયપરસોનિક શસ્ત્રોનો આ પ્રથમ ઉપયોગ હતો. રશિયન સંરક્ષણ મંત્રાલયે શનિવારે જણાવ્યું હતું કે, "હાયપરસોનિક એરોબોલિસ્ટિક મિસાઇલ્સ સાથેની કિંજલ એવિએશન મિસાઇલ સિસ્ટમે ઇવાનો-ફ્રાન્સિવસ્ક ક્ષેત્રના ડેલિયાટિન ગામમાં મિસાઇલો અને ઉડ્ડયન દારૂગોળો ધરાવતા એક મોટા ભૂગર્ભ વેરહાઉસનો નાશ કર્યો હતો."
કિંજલ મિસાઈલની ખાસિયત
રશિયન રાષ્ટ્રપતિ પુતિને કિંજલ મિસાઈલને એક આદર્શ હથિયાર ગણાવ્યું હતું જે અવાજની ગતિથી 10 ઘણી ઝડપી ઉડાણ ભરી શકે છે. પુતિને2018માં આ હથિયાર ખુલ્લું મૂક્યું હતું.
1- કિંજલ હવામાં છોડવામાં આવેલી હાઇપર સોનિક મિસાઇલ છે. તેની રેન્જ ૧૫૦૦થી ૨૦૦૦ કિ.મી. તે ૪૮૦ કિલોના પરમાણુ પેલોડને વહન કરી શકે છે. આ જથ્થો હિરોસિયા પર ફેંકવામાં આવેલા ફેટ મેન બોમ્બ કરતા 33 ગણો વધારે છે.
2- હિન્દીમાં કિંજલ એટલે ખંજર. અહેવાલ છે કે રશિયન રાષ્ટ્રપતિ વ્લાદિમીર પુતિને માર્ચ 2018માં કિંજલ મિસાઈલનું અનાવરણ કર્યું હતું. નિષ્ણાતોનો દાવો છે કે કિંજલનો કોન્સેપ્ટ ઇસકેન્ડર-એમ ની જેમ જમીન પરથી છોડવામાં આવેલી નાની રેન્જની બેલેસ્ટિક મિસાઇલોમાંથી લેવામાં આવ્યો છે.
(3) લોન્ચિંગ બાદ કિંજલ 4900 કિમી પ્રતિ કલાકની ઝડપે ગતિ પકડે છે. તેની સ્પીડ વધીને 12,350 કિમી પ્રતિ કલાક થઈ શકે છે.
(4) એવું માનવામાં આવે છે કે કિંજલ મિસાઈલની હુમલાની ક્ષમતા અત્યંત ખતરનાક છે. તે ખૂબ ઊંડે સુધી પ્રહાર કરી શકે છે.