યુક્રેનના રાષ્ટ્રપતિ ઝેલેન્સ્કીએ યુક્રેનમાં રશિયન સંપત્તિ જપ્ત કરવાની મંજૂરી આપતા કાયદા પર હસ્તાક્ષર કર્યા છે. જે યુક્રેનને રશિયન ફેડરેશન અથવા તેના રહેવાસીઓની મિલકતને વળતર વિના જપ્ત કરવાની મંજૂરી આપે છે, સંસદે આ કાયદાને 3જી માર્ચે પસાર કર્યો. મળતી માહિતી મુજબ, અંદાજે 20 લાખથી વધારે લોકો યુક્રેન છોડીને આસપાસના દેશોમાં ચાલ્યા ગયા છે.
રશિયાએ કહ્યું- 'અમે યુદ્ધ નથી ઈચ્છતા'
રશિયન સમાચાર એજન્સીના જણાવ્યાં અનુસાર, રશિયાના વિદેશમંત્રી સર્ગેઈ લાવરોવે જણાવ્યું કે, 'મોસ્કો ક્યારેય યુદ્ધ નથી ઇચ્છતું અને મોસ્કો વર્તમાન યુદ્ધનો અંત ઇચ્છે માંગે છે.'
યુદ્ધ માટે અમેરિકા સૈનિકો નહીં મોકલે
વ્હાઇટ હાઉસના પ્રેસ સેક્રેટરી જેન સાકીએ કહ્યું કે, રશિયા સામે યુદ્ધ લડવા માટે યુક્રેનમાં અમારા સૈનિકો મોકલવાનો અમેરિકાનો કોઈ ઇરાદો નથી, અમારું મૂલ્યાંકન વિશ્વ યુદ્ધને કેવી રીતે અટકાવવું તેના પર આધારિત છે.