બીજા વિશ્વયુદ્ધ પછી એવું પ્રથમ વાર બન્યું, જ્યારે કોઈ અમેરિકન રાષ્ટ્રપતિ યુદ્ધગ્રસ્ત દેશની સરહદની નજીક જઈ સૈનિકોને મળ્યા હોય. શનિવારે પોલેન્ડમાં રાષ્ટ્રપતિ બાઈડને વિશેષ સંબોધન કર્યું.
NATOની બોર્ડરમાં ઘુસવાનું ન વિચારે રશિયાઃ જો બાઇડન
તેલ માટે રશિયા પરની નિર્ભરતા ખતમ કરે યૂરોપ: જો બાઇડન
યૂક્રેનના શરણાર્થિઓને મળ્યા બાદ બાઇડેને પુતિનને કસાઈ ગણાવ્યા
રશિયા યુક્રેન યુદ્ધ વચ્ચે બાઈડને રેજ્જોવમાં તહેનાત નાટોનાં સૈનિકો સાથે મુલાકાત કરી હતી અને તેમનો જુસ્સો વધાર્યો. અહીં શનિવારે નાટો સૈનિકો સામે યુદ્ધના મહત્વ વિશે ભાષણ પણ આપ્યું. એટલું જ નહીં જગતની મહાસત્તાના આ મહાનાયકે પોતાના ઘડીવાર પોતાના વજનદાર પદને ભૂલીને નાટો સૈનિકો સાથે પિઝા પાર્ટી પણ કરી હતી.
યૂક્રેન સાથે અમે પૂરી તાકાત સાથે ઉભા છીએઃ જો બાઇડન
યૂક્રેન પર રશિયા હુમલાને લઇને પોલેન્ડમાં અમેરિકન રાષ્ટ્રપતિ જો બાઇડને કહ્યું કે, નાટો એકજુટ છે, તેને તોડી ન શકાય. સાથે જ તેમણે કહ્યું કે, રશિયા લોકશાહીનું ગળુ દબાવી રહ્યું છે. યૂક્રેન આજે પોતાની આઝાદી માટે લડી રહ્યું છે. યૂક્રેન સાથે અમે પૂરી તાકાત સાથે ઉભા છીએ. આપણે લોકશાહી માટે પૂરી તાકાતથી લડવાનું છે.
બર્બર હુમલા માટે રશિયા જવાબદાર છેઃ જો બાઇડન
બાઈડેને કહ્યું કે, યૂક્રેનના રાષ્ટ્રપતિ જેલેંસ્કી લોકતાંત્રિક રીતે ચૂંટાયેલા રાષ્ટ્રપતિ છે. તેમણે કહ્યું કે, યૂક્રેન પર હુમલાનો રશિયા પાસે કોઈ તર્ક નથી. સંબોધન દરમિયાન બાઇડેને યૂક્રેન માટે આર્થિક મદદનું પણ એલાન કર્યું. તેમણે કહ્યું કે, બર્બર હુમલા માટે રશિયા જવાબદાર છે. મેં યૂક્રેનના શરણાર્થિઓ સાથે મુલાકાત કરી છે અને અમે યૂક્રેનના લોકોની સાથે ઉભા છીએ.
નાટો રશિયા માટે ખતરો નથીઃ જો બાઇડન
બાઇડેને કહ્યું કે, અમે યૂક્રેનની મદદ કરતા રહીશું. સાથે જ તેમણે કહ્યું કે, પ્રતિબંધોના કારણે રશિયાની આર્થિક સ્થિતિ ખરાબ થઇ ગઇ છે. રશિયાની લોકશાહીનું ગળુ દબાઇ ગયું છે. બાઇડેને અપીલ કરી કે તમામ દેશ મળીને યૂક્રેનની મદદ કરે. યૂક્રેનની રક્ષા માટે અમેરિકા હંમેશા ઉભુ રહેશે. તેમણે એ પણ કહ્યું કે નાટો રશિયા માટે ખતરો નથી.
રશિયાના લોકો અમારા માટે દુશ્મન નથીઃ જો બાઇડન
બાઇડેને કહ્યું કે, અમેરિકન ફોજ તમામ મદદ માટે પોલેન્ડમાં હાજર છે. નાટો દેશની રક્ષા માટે અમેરિકા મજબૂતીથી ઉભુ છે. તેમણે કહ્યું કે, લાંબી લડાઈ માટે દુનિયાએ તૈયાર રહેવું જોઈએ. દુનિયાના દેશ જોકે યૂક્રેનના શરણાર્થીઓની મદદ કરે. અમેરિકા યૂક્રેનને તમામ મદદ આપવા તૈયાર છે. બાઇડેને કહ્યું કે, દુનિયાને રશિયા નાટો અંગે ખોટું ગણાવી રહ્યું છે. રશિયાના લોકો અમારા માટે દુશ્મન નથી.
તેલ માટે રશિયા પરની નિર્ભરતા ખતમ કરે યૂરોપ
જો બાઇડેને કહ્યું કે, તેલ માટે રશિયા પર નિર્ભરતા યૂરોપ ખતમ કરે. સાથે જ તેમણે કહ્યું કે યૂરોપિય દેશ રશિયા સાથે તેલ ખરીદીને યુદ્ધ મશીનની મદદ ન કરે. તેમણે રશિયાને ચેતવણી આપતા કહ્યું કે, નાટો દેશોની બોર્ડરમાં ઘુસવાનો પ્રયત્ન ન કરે રશિયા. બાઇડેને કહ્યું કે, અમેરિકાએ એક બિલિયન ડોલરની મદદ કરી છે.
અમેરિકન રાષ્ટ્રપતિના સંબોધનની કેટલીક મિનિટ પહેલા રશિયા સેનાએ પોલેન્ડ બોર્ડરથી કેટલીક દૂર યૂક્રેનના લવીવ શહેર પર મિસાઇલથી હુમલો કર્યો જેમાં 5 લોકો ઇજાગ્રસ્ત થયા. રશિયન સેનાએ એવી જગ્યએ હુમલો કર્યો જેની થોડી દૂર જ અમેરિકન રાષ્ટ્રપતિ જો બાઇડન પોલેન્ડની રાજધાની વારસોમાં હાજર હતા.
Watch live as I deliver remarks on the united efforts of the free world to support the people of Ukraine, hold Russia accountable for its brutal war, and defend a future that is rooted in democratic principles. https://t.co/wXoCSgjOof
યૂક્રેનના શરણાર્થિઓને મળ્યા બાદ બાઇડેને પુતિનને કસાઈ ગણાવ્યા
પોતાના સંબોધનના કેટલાક કલાક પહેલા બાઇડને પોલેન્ડમાં યૂક્રેનના શરણાર્થિઓ સાથે મુલાકાત કરી. મુલાકાત બાદ અમેરિકન રાષ્ટ્રપતિ જો બાઇડને રાષ્ટ્રપતિ પુતિનને કસાઈ ગણાવ્યા છે. બાઇડેને ટ્વીટ કરીને કહ્યું કે, પોલેન્ડમાં શરણાર્થી સ્થળ પર હાજર બાળકોએ મને કહ્યું કે મારા પિતાજી, મારા દાદા, મારા ભાઈ માટે પ્રાર્થના કરો, જે રશિયાના સૈનિકોથી લડી રહ્યા છે.