IPLIN
 

BIG NEWS / તાનાશાહ પુતિને કિંમત ચૂકવવી પડશે, નિર્ણાયક સંબોધનમાં બાયડને કર્યું મોટું એલાન

Team VTV 08:09 AM, 02 Mar 22 | Updated: 11:30 AM, 02 Mar 22
Follow us
russia ukraine war joe biden state of the union address

રશિયા-યુક્રેન વચ્ચે ચાલતા યુદ્ધનો આજે સાતમો દિવસ છે. ત્યારે તાજેતરમાં જ બિડેને યુએસ સંસદમાં સંબોધન કરતા જણાવ્યું કે, 'રશિયાએ યુક્રેનમાં યુદ્ધ કરીને મોટી ભૂલ કરી નાંખી છે.' એવું માનવામાં આવી રહ્યું છે કે, બિડેન પોતાના સંબોધનમાં વિશ્વના વિવિધ દેશો પાસેથી યુક્રેન માટે મદદ માંગી શકે છે. બિડેનનું આ પ્રથમ State of the Union address છે.

  • અમેરિકન રાષ્ટ્રપતિ જો બિડેનનું સંબોધન
  • જો બિડેનનો હુંકાર : કહ્યું, 'રશિયાએ ખૂબ મોટી ભૂલ કરી નાંખી'
  • યુરોપિયન યુનિયનના લગભગ 27 દેશો હાલ યુક્રેનની સાથે છે

તમને જણાવી દઇએ કે, State of the Union નો અર્થ અહીંયા યુએસ સંસદ છે જેમાં રાષ્ટ્રપતિ યુએસ કોંગ્રેસને સંબોધિત કરે છે. આ તેઓનું વાર્ષિક સંબોધન છે, જે નાણાંકીય વર્ષની શરૂઆતમાં થાય છે, જેમાં રાષ્ટ્રપતિ દેશની વર્તમાન પરિસ્થિતિ વિશે વાત કરે છે. પરંતુ આજે યુક્રેનનો મુદ્દો તેમાં સૌથી મહત્વનો રહેશે.

 

જાણો બિડેને શું કહ્યું?

અમેરિકા રશિયા પર આર્થિક પ્રતિબંધો લાદી રહ્યું છે : બિડેન

બિડેને કહ્યું કે, અમેરિકાની સેના રશિયા સાથે ટકરાશે નહીં પરંતુ રશિયાને મનમાની નહીં કરવા દેવામાં આવે. બિડેને કહ્યું કે, અમેરિકા રશિયા પર આર્થિક પ્રતિબંધો લાદી રહ્યું છે.

 

રશિયાએ આ હુમલો કોઈ પણ જાતની ઉશ્કેરણી વિના કર્યો છે : બિડેન

વધુમાં જણાવ્યું કે, પુતિન આ સમયે દુનિયાથી એટલા અલગ થઈ ગયા છે કે, જેટલા તેઓ પહેલાં ક્યારેય ન હોતાં. યુરોપિયન યુનિયનના લગભગ 27 દેશો હાલ યુક્રેનની સાથે છે. અમે પણ યુક્રેનની સાથે છીએ. તેમણે કહ્યું કે, રશિયાએ આ હુમલો કોઈ પણ જાતની ઉશ્કેરણી વિના કર્યો છે.

 

અમારું સૈન્ય યુદ્ધમાં ભાગ નહીં લે: બિડેન

અમેરિકી રાષ્ટ્રપતિ જો બિડેને કહ્યું કે, 'અમેરિકાએ રશિયા માટે પોતાની એરસ્પેસ બંધ કરી દીધી છે. પણ તમને જણાવી દઇએ કે, અમેરિકાનું સૈન્ય યુક્રેન નહીં જાય. અમારી સેના યુદ્ધમાં ભાગ લેશે નહીં. અમે NATO દેશોના સંરક્ષણ માટે પ્રતિબદ્ધ છીએ. રશિયા પર હજુ વધારે ને વધારે પ્રતિબંધો મૂકાશે. તાનાશાહ પુતિનને એ માટે જરૂરથી સજા મળશે.'

યુક્રેનના લોકો આ યુદ્ધ પુરી હિંમત સાથે લડી રહ્યાં છે : પુતિન

બાઇડેને કહ્યું કે, 'જ્યારે હાલનાં સમયનો ઇતિહાસ લખવામાં આવશે તો પુતિન દ્વારા યુક્રેન સાથે કરવામાં આવેલા યુદ્ધના કારણે રશિયાને નબળું અને વિશ્વના બાકીના દેશોને તાકાતવર દર્શાવવામાં આવશે.' વધુમાં કહ્યું કે, 'અમેરિકા અને તેના સાથી દેશો સાથે મળીને NATO ક્ષેત્રના દરેક ઇંચનું રક્ષણ કરશે. યુક્રેનના લોકો આ યુદ્ધ પુરી હિંમત સાથે લડી રહ્યાં છે. પુતિન યુદ્ધ ક્ષેત્રમાં ભલે આગળ આગળ હોય પરંતુ આગળ જતા તેની તેઓએ ખૂબ મોટી કિંમત ચૂકવવી પડશે.'

joe biden RUSSIA UKRAINE WAR state of the union address Gujarati News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ