હિતેચ્છુ / રશિયાના સમર્થનમાં ચાર દેશોનું વોટિંગ, યુક્રેનના રાષ્ટ્રપતિએ કહ્યું રશિયા પાસે બસ આટલા જ મિત્રો બચ્યા

• રશિયા અને યુક્રેન વચ્ચે જંગનો આઠમો દિવસ
• 4 રાષ્ટ્રોએ રશિયાનું કર્યું સમર્થન
• યુક્રેને કહ્યું- રશિયા પાસે માત્ર 4 જ મિત્ર દેશ

આ પ્રસ્તાવમાં રશિયાને કહેવામાં આવ્યું હતું કે, તે યુક્રેનથી પોતાની સેના પરત બોલાવે. આ પ્રસ્તાવ UGNAમાં પાસ તો થઈ ગયો પરંતુ પાંચ દેશ(રશિયા સહિત)તેની વિરૂદ્ધમાં હતા. આ ચાર રાષ્ટ્રોને યુક્રેનના રાષ્ટ્રપતિ ઝેલેસ્કીએ રશિયાના મિત્ર દેશ ગણાવ્યા હતા. 

કયા રાષ્ટ્રોએ રશિયાનું કર્યું સમર્થન 

રશિયા સિવાય બેલારૂસ, ઈરીટ્રીયા, ઉત્તર કોરિયા અને સીરિયાએ આ પ્રસ્તાવની વિરૂધ્ધમાં મત નાખ્યો હતો.તો આ રાષ્ટ્રોને લઈને યુક્રેનના રાષ્ટ્રપતિએ નિવેદન પણ આવ્યું હતું કે, રશિયા પાસે આ 4 રાષ્ટ્રો સિવાય હવે કોઈ મિત્ર રહ્યું નથી. 

ભારતે શું આપ્યું નિવેદન ?

રશિયા-યુક્રેન યુદ્ધ મામલે ભારતે ન્યૂટ્રલ વલણ અપનાવ્યું છે. ભારતે પહેલા પણ જણાવ્યું હતું કે, અમારી પ્રાથમિકતા યુક્રેનમાં ફંસાયેલા ભારતીયોને બહાર લાવવા છે. તો સંયુક્ત રાષ્ટ્રમાં ભારતના સ્થાયી પ્રતિનિધિ ટીએસ તિરૂમૂર્તિએ કહ્યું કે, ભારત યુદ્ધ વિરામનું સમર્થન કરે છે.

સ્વીડનમાં ઘૂસ્યા રશિયન વિમાન 

યુક્રેન પર રશિયન સૈન્યના બોમ્બ ધડાકા વચ્ચે આ ઘટનાએ યુરોપિયન દેશને ભારે દહેશત હેઠળ લાવી દીધો હતો. વોલોદીમિર ઝેલેંસ્કીએ યુક્રેન બાદ યુરોપના અન્ય દેશો પર પણ હુમલાની શક્યતા વ્યક્ત કરી છે. આવી સ્થિતિમાં ફાઇટર જેટ આ રીતે ઘૂસી જતાં સ્વીડનમાં ભયનું વાતાવરણ સર્જાયું હતું. સ્વીડન દ્વારા જારી કરવામાં આવેલા નિવેદન અનુસાર, બે સુખોઈ-27 અને બે સુખોઈ-24 ફાઈટર જેટ અચાનક એરસ્પેસમાં પ્રવેશ્યા હતાં.

ફાઇટર જેટ આ રીતે ઘૂસી જતાં સ્વીડનમાં ભયનું વાતાવરણ

આ ઘટના રશિયન પ્રમુખ વ્લાદિમીર પુતિને ચેતવણી આપ્યાના થોડાં જ દિવસ બાદ ઘટી હતી, કે જેમાં તેઓએ કહ્યું હતું કે, જો તે NATO માં જશે તો સ્વીડન અને ફિનલેન્ડ જેવાં દેશોએ તેનું મોટું નુકસાન ભોગવવું પડશે. સ્વીડિશ વાયુસેનાના વડા કાર્લ જોહાન એડ્સટ્રોમએ કહ્યું કે, "અમે વર્તમાન સંજોગોમાં આ ઘટનાથી ખૂબ જ ચિંતિત છીએ. આ ઘટના જે રશિયા તરફથી ઘટી છે તે અત્યંત બિનવ્યાવસાયિક અને બેજવાબદારીભરેલી છે.' નિવેદનમાં કહેવામાં આવ્યું કે, ઘટનાના થોડાં જ સમય બાદ સ્વીડિશ ફોર્સ એક્ટિવ થઈ ગઇ હતી. તેઓએ સ્વીડિશ ફાઈટર જેટ્સ વતી રશિયન લડાકુ વિમાનોની તસવીરો પણ લીધી છે.

સ્વીડિશ વાયુસેનાના વડાએ જણાવ્યું કે, આનાથી ખ્યાલ આવે છે કે, અમારી તૈયારી વધારે સારી હતી. અમે અમારી સુરક્ષા અને અખંડિતતાના રક્ષણ માટે તત્પર છીએ. વધુમાં જણાવ્યું કે, સ્થિતિ સંપૂર્ણપણે નિયંત્રણમાં છે. આ સિવાય સ્વીડનના રક્ષામંત્રી પીટર હુલ્તક્વિસ્ટે કહ્યું, 'રશિયન તરફથી સ્વીડનની એરસ્પેસનું ઉલ્લંઘન કરવામાં આવ્યું છે અને તેનો બિલકુલ પણ સ્વીકાર ના કરી શકાય.' તેમણે જણાવ્યું કે, 'અમે આ મુદ્દે રશિયા સાથે ઉગ્ર કૂટનૈતિક વિરોધ દર્શાવીશું. સ્વીડનની સાર્વભૌમત્વ અને અખંડિતતા સંપૂર્ણપણે સુરક્ષિત હોવી જોઈએ.'

યુક્રેન પર રશિયાના હુમલા બાદ સ્વીડન એલર્ટ

તમને જણાવી દઈએ કે ,સ્વીડન ભલે નાટોનું સભ્ય નથી, પરંતુ તેણે યુક્રેનને મોટા પાયે સૈન્ય હથિયારો મોકલવાની જાહેરાત કરી છે. સ્વીડન કહે છે કે, તે યુક્રેનને 5,000 એન્ટી ટેન્ક હથિયારો મોકલશે. 1939 બાદ આવું પ્રથમ વખત હશે કે જ્યારે સ્વીડન કોઈ પણ દેશને હથિયાર મોકલી રહ્યું છે. સ્વીડનના પીએમ માગડાલેના એન્ડરસને કહ્યું કે, રશિયાએ જે રીતે યુક્રેન પર હુમલો કર્યો છે, તે માટે આપણે આપણી તાકાત વધારવી જરૂરી છે જેથી કોઈ પણ પ્રકારના સંકટનો સામનો કરી શકાય.