પલટવાર / યુદ્ધ વચ્ચે રશિયા-અમેરિકા આમને સામને: બાયડને પુતિનને કહી દીધા 'વોર ક્રિમીનલ', રશિયાએ કહ્યું - 'આ અક્ષમ્ય'

• બાયડને પુતિનને કહ્યાં 'યુદ્ધ અપરાધી'
• પુતિનના નિવેદનથી રશિયા ભડક્યું
• રશિયાએ કહ્યું - 'આ અક્ષમ્ય છે'

યુક્રેન મુદ્દાને લઇને અમેરિકા અને રશિયા વચ્ચે સતત તણાવ વધી રહ્યો છે. દરમ્યાન અમેરિકી રાષ્ટ્રપતિ જો બિડેને રશિયન રાષ્ટ્રપતિ વ્લાદિમીર પુતિનને 'યુદ્ધ અપરાધી' ગણાવ્યાં છે. તેઓનું કહેવું છે કે, પુતિને યુક્રેનમાં જે કર્યું તેની માટે તેને 'વૉર ક્રિમિનલ'ની કેટેગરીમાં મૂકવા જોઇએ.

Kremlinનું નિવેદન સામે આવ્યું

અમેરિકી રાષ્ટ્રપતિના આ નિવેદનથી રશિયા ગુસ્સે છે. રશિયન રાષ્ટ્રપતિના કાર્યાલય ક્રેમલિનનું કહેવું છે કે, વ્લાદિમીર પુતિન વિશે અમેરિકન રાષ્ટ્રપતિ જો બિડેનની ટિપ્પણી અસ્વીકાર્ય અને અક્ષમ્ય છે. ન્યૂઝ એજન્સીના જણાવ્યાં અનુસાર, ક્રેમલિનના પ્રવક્તા દિમિત્રી પેસકોવે બુધવારનાં કહ્યું કે, અમેરિકાએ પુતિનને યુદ્ધ અપરાધી ગણાવ્યાં છે કે જે અસ્વીકાર્ય અને અક્ષમ્ય નિવેદન છે.

યુક્રેનને US આપી રહ્યું છે હથિયારો

વ્હાઇટ હાઉસ તરફથી રજૂ કરવામાં આવેલા નિવેદન મુજબ, અમેરિકા યુક્રેનને 800 એન્ટી એરક્રાફ્ટ, 9000 એન્ટી આર્મર સિસ્ટમ અને 7000 નાના હથિયારો અને 20 મિલિયન રાઉન્ડ્સ અને અનમૈન્ડ એરિયલ સિસ્ટમ પણ પૂરી પાડશે. રક્ષા વિભાગ યુક્રેનની સેનાને ઉપકરણ આપશે. નિવેદનમાં જણાવવામાં આવ્યું કે, યુક્રેનને વધારાની સહાયતા આપવા માટે સહયોગીઓ તેમજ ભાગીદારો સાથે કામ કરવાનું શરૂ રાખશે.

અમેરિકન રાષ્ટ્રપતિ જો બિડેનની આ જાહેરાતનાં ઠીક પહેલાં યુક્રેનના રાષ્ટ્રપતિ વોલોદીમિર ઝેલેન્સ્કીએ અમેરિકી સંસદને સંબોધિત કરતા હજુ પણ વધારે મદદ કરવાની અપીલ કરી હતી.