IPLIN
 

અપીલ / આ રશિયન ટેનિસ ખેલાડીએ સૌના દિલ જીતી લીધા, યુક્રેન સાથેના યુદ્ધને લઇ કહી દીધી આ મોટી વાત

Team VTV 05:53 PM, 26 Feb 22
Follow us
russia ukraine war andrey rublev viral video on camera

રશિયા-યુક્રેન યુદ્ધની ન તો માત્ર શેરમાર્કેટ કે આમ જનતા પર જ અસર પડી છે પરંતુ તેની ખેલજગત પર પણ માઠી અસર પડી છે. UEFA એ રશિયા પાસેથી ચેમ્પિયન્સ લીગ ફાઇનલની મેજબાની છીનવી લીધી છે તો રશિયાના કેટલાંક ખેલાડીઓએ તો આ યુદ્ધને રોકવાની પણ અપીલ કરી છે.

  • રશિયા-યુક્રેન યુદ્ધની અસર છેક ખેલજગત સુધી
  • રશિયાના ટેનિસ સ્ટારે છોડ્યો અનોખો મેસેજ
  • બ્રોડકાસ્ટ કેમેરા પર લખ્યું - 'No War Please'

શુક્રવારના રોજ દુબઇમાં ટેનિસ ચેમ્પિયનશિપ (Tennis Championships) ની સેમિફાઇનલ જીત્યા બાદ રશિયા ટેનિસ સ્ટારે કંઇક અનોખા જ અંદાજમાં યુદ્ધ રોકવાની અપીલ કરી છે. પોતાની સતત 8મી મેચ જીત્યા બાદ રૂબેવે કોર્ટ પર લાગેલા કેમેરા લેન્સ પર પોતાનો અનોખો જ મેસેજ છોડ્યો છે જેમાં તેઓએ લખ્યું કે, 'No War Please.' રશિયાના 2જા નંબરના ટેનિસ સ્ટારે પોતાની અપીલ એવું જાણતા કરી કે, યુક્રેનમાં મિલિટ્રી ઓપરેશન તેમના જ દેશે શરૂ રાખ્યું છે.

 

24 વર્ષના રશિયાના ટેનિસ સ્ટારે પોતાના હ્યુબર્ટ હરકાઝ વિરૂદ્ધ પોતાની સેમિફાઇનલ મેચ 3-6, 7-5. 7-6 (7/5) થી જીતી હતી. આ જીત સાથે તેઓ ટુર્નામેન્ટ ફાઇનલમાં પહોંચી ગયા. રશિયાના ટેનિસ સ્ટારની આ ટુર્નામેન્ટમાં આ બીજી ફાઇનલ હશે.

 

શાંતિ અને એકતામાં વિશ્વાસ - રશિયન ટેનિસ સ્ટાર

રશિયન ખેલાડીએ ગુરૂવારના રોજ દુબઇમાં પત્રકારોને કહ્યું હતું કે, 'તેઓ શાંતિ અને એકતામાં વિશ્વાસ રાખે છે.' કદાચ આ જ કારણ છે કે, સેમિફાઇનલ જીત્યા બાદ તેઓ ખુદની ભાવનાઓ પર કાબુ ના રાખી શક્યા. યુક્રેનમાં રશિયાની ઘૂસણખોરીને લઇને રૂબેવએ એક તસવીર પણ ઇન્સ્ટાગ્રામ પર પોસ્ટ કરી હતી, જેમાં બંને દેશો ઝંડા એ રીતે હતા કે જાણે કે એકબીજાને ગળે ભેટી રહ્યાં હોય.

Russia Tennis Player andrey rublev appeal
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ