PHOTOS / દુર્દશાના દ્રશ્યો: અંતરિક્ષથી જુઓ સળગતી ઇમારતો, 2 મહિલાઓના સાહસને સમગ્ર યુક્રેનવાસીઓએ બિરદાવ્યું

• રશિયાના હુમલાએ યુક્રેનમાં તબાહી મચાવી દીધી
• સોશિયલ મીડિયામાં વાયરલ તસવીરો જોઇને દંગ થઇ જશો
• મારીયુપોલમાં તો અનાજ, દવા, વીજળી અને પાણી પણ ખતમ

સોશિયલ મીડિયામાં વાયરલ તસવીરોમાં દેખાશે કે, સેન્ટ્રલ ઇરપિનમાં સરકારી કમ્પાઉન્ડ અને એપાર્ટમેન્ટની વચ્ચે બે જગ્યાએ આગ દેખાઈ રહી છે. ન્યુઝ ચેનલનાં એક અહેવાલ અનુસાર, વાયરલ ફોટો લશ્કરી હુમલાઓ અને ઇરપિન નદીમાંથી વધતા પૂરને દર્શાવી રહ્યાં છે. એક સેટેલાઇટ ફોટો ઇરપિન નદીમાંથી પૂરના પાણીમાં વધારો દેખાડે છે. ડેમના કારણે ઈરપિન નદીના બેસિનમાં પૂર કેવી રીતે આવ્યું તે હજુ સુધી સ્પષ્ટ નથી. ડેમના દરવાજા ઇરાદાપૂર્વક પ્રદેશમાં પૂર લાવવા માટે ખોલવામાં આવ્યાં હોવાનું માનવામાં આવે છે. નીપર નદીના કાંઠે આવેલ ડેમ ઇરપિન નદી બેસિન અને તેની ઉપનદીઓમાં પાણી ભરાઇ રહ્યું છે.

કીવમાં પ્રવેશવા માટે રશિયન લશ્કરી કાફલાએ ઇરપિન નદીને પાર કરવી આવશ્યક છે અને યુક્રેન એ જ રીતે રશિયન સૈનિકોને અવરોધિત કરી રહ્યું છે. અન્ય સેટેલાઇટ તસવીરમાં મરકિવની એક શાળાની નજીકની ઇમારતો અને તળાવની નજીકના રહેણાંક વિસ્તાર વચ્ચે બે જગ્યાએ વિશાળ આગની જ્વાળાઓ જોઈ શકાય છે.

Новые спутниковые снимки блокадного Путиным Мариуполя

В блокаде находятся около ста тысяч жителей города. Они живут под постоянной угрозой обстрелов, без воды, еды и медикаментов. pic.twitter.com/KwqPyYu3ij

— Ilya Ponomarev (@iponomarev) March 23, 2022

રશિયન હુમલામાં સળગતા એપાર્ટમેન્ટ્સ

તસવીરોમાં સ્પષ્ટપણે દેખાઇ આવે છે કે, રશિયાના હુમલા બાદ યુક્રેનમાં કેટલી ખતરનાક તબાહી મચી છે. આથી હવે યુક્રેનના મોટા ભાગના વિસ્તારો સંપૂર્ણપણે નિર્જન દેખાઇ રહ્યાં છે. સંયુક્ત રાષ્ટ્રનું કહેવું છે કે, રશિયન હુમલા બાદ અંદાજે 35 લાખ યુક્રેનનાં લોકો દેશ છોડી ચૂક્યાં છે.

હુમલાઓથી બચીને લોકો અલગાવવાદી કેમ્પોમાં પહોંચી રહ્યાં છે

મારીયુપોલના રહેવાસીઓ દોનેસ્ક પ્રદેશમાં રશિયન તરફી અલગાવવાદીઓ દ્વારા અસ્થાયી શરણાર્થી શિબિરોમાં પહોંચી રહ્યાં છે. એવું કહેવામાં આવી રહ્યું છે કે, અંદાજે પાંચ હજાર લોકો તેમના બાળકો સાથે આ કેમ્પમાં ગયા છે. યુલિયાએ કહ્યું કે, છ ભવન બોમ્બમારાનું ટાર્ગેટ બન્યું. તેઓનો પરિવાર માત્ર 15 મિનિટમાં ભાગી ગયો અને બેઝીમેનમાં આશરો લીધો. ઓલ્હા નિકિતિને જણાવ્યું કે, ફાયરિંગથી તેના ઘરની બારીઓ તૂટી ગઈ હતી. વીજળી વિના એપાર્ટમેન્ટનું તાપમાન ઠંડા બિંદુથી નીચે પહોંચી ગયું હતું.

મારીયુપોલમાં સામસામે યુદ્ધ

મારીયુપોલમાં ભીષણ લડાઈ વચ્ચે લોકો પોતાનો જીવ જોખમમાં મુકીને ભાગી રહ્યાં છે. લોકોએ જણાવ્યું કે, શેરીઓમાં સામસામે લડાઈ ચાલી રહી છે. મૃતદેહોમાંથી લોકોએ પસાર થવું પડે છે.
અધિકારીઓનું કહેવું છે કે, પ્રચંડ બોમ્બ વિસ્ફોટમાં હજારો લોકો ફસાયા છે. યુક્રેને રશિયાને મારિયુપોલમાં નાગરિકોને માનવતાવાદી સહાયની મંજૂરી આપવા અપીલ કરી છે. શહેરમાં અનાજ, દવા, વીજળી અને પાણી પણ ખતમ થઈ ગયું છે.

યુક્રેન સામાન્ય સભામાં ફરી કરશે મતદાન

યુનાઇટેડ નેશન્સ જનરલ એસેમ્બલીમાં બુધવારે યુક્રેન મુદ્દે લાવવામાં આવેલા એક પ્રસ્તાવ પર મતદાન કરશે. યુક્રેન પર હુમલાના મુદ્દે આ બીજો ઠરાવ છે. યુએન જનરલ એસેમ્બલીના પ્રમુખ અબ્દુલ્લા શાહિદને જનરલ એસેમ્બલીની 11મી ઈમરજન્સી સ્પેશિયલ મીટિંગ ફરીથી બોલાવવાની વિનંતી મળી છે.

રશિયાએ માનવતાવાદી સહાયને મારીયુપોલ સુધી પહોંચવાની મંજૂરી આપવી જોઈએ: યુક્રેન

યુક્રેને રશિયાને મારીયુપોલ શહેરમાં માનવતાવાદી સહાયની મંજૂરી આપવા અપીલ કરી છે. આ શહેરમાં ખોરાક, દવાઓ, વીજળી, પાણી બધું જ ખતમ થઈ ગયું છે. સ્થાનિક અધિકારીઓએ મારીયુપોલની સરખામણી 'મૃત શહેરની રાખ' સાથે કરી છે. શહેરમાંથી લગભગ 4 લાખની વસ્તીનો એક હિસ્સો ખાલી કરાવવામાં આવ્યો છે પરંતુ હજુ પણ મોટી સંખ્યામાં નાગરિકો અહીં ફસાયેલા છે. રશિયા હુમલાના પ્રથમ દિવસથી જ બંદર શહેરને કબજે કરવાનો પ્રયાસ કરી રહ્યું છે કારણ કે તે ડોનબાસ પ્રદેશમાંથી ક્રિમિયા સુધી જમીન માર્ગેથી પહોંચી શકે છે.

તેત્યાનાએ ટેન્કો પણ ઉડાવી દીધી

રશિયા સામે મુકાબલો કરવા જુસ્સો ધરાવનારી તેત્યાના ચોર્નોવોલ કીવમાં ચાલી રહેલા યુદ્ધમાં રશિયન સેના સામે લડી રહી છે. લેફ્ટનન્ટ તેત્યાના યુક્રેનિયન સંસદના ભૂતપૂર્વ સંસદસભ્ય (એમપી) છે, જે હાલમાં એઝોવ બટાલિયનના લડવૈયાઓ સાથે ખભે ખભા મિલાવીને એન્ટી-ટેન્ક મિસાઇલ યુનિટનું સંચાલન કરે છે. તેમણે મિસાઇલો દ્વારા અનેક રશિયન ટેન્કોનો નાશ કર્યો છે.

તેત્યાના એક તપાસ પત્રકાર પણ રહી ચૂકેલ છે

એક સંશોધનાત્મક પત્રકાર તરીકે, તેત્યાનાએ 2013 માં રશિયન તરફી યુક્રેનિયન રાષ્ટ્રપતિ વિક્ટર યાનુકોવિચનું કૌભાંડ પણ ખોલ્યું હતું. તે સમયે તેત્યાના પર જીવલેણ હુમલો પણ થયો હતો.
મૃત્યુ પામેલી હાલતમાં આવેલા તેત્યાનાનો જીવ નસીબના જોરે બચી ગયો. પછીથી રશિયાએ તેત્યાનાના હુમલાખોરોને રાજકીય આશ્રય આપ્યો. તેત્યાનાના પતિ માએકોલા બેરેઝોવઈ કે જેઓ અઝોવ બટાલિયનના કાર્યકર પણ હતાં. 8 ઓગસ્ટ 2014ના રોજ પૂર્વી યુક્રેનમાં આતંકવાદ વિરોધી કાર્યવાહીમાં તેઓનું મોત થયું હતું.

In Kyiv, a woman saved her one-month-old daughter from shelling by covering her with her body.
Fortunately, the whole family survived.
This story was told at the Okhmatdyt Hospital, where the baby was brought with his parents.#RussianWarCrimes #StopRussia pic.twitter.com/DUuHm6oKGH

— Stratcom Centre UA (@StratcomCentre) March 18, 2022

મિસાઈલથી દીકરીને બચાવી: માથા અને શરીર પર અનેક ઘા, બાળકીને આંચ પણ ન આવવા દીધી

રશિયન હુમલાઓનું નિશાન બનેલ મારીયુપોલ શહેરમાંથી મમતાની એક ભાવનાત્મક તસવીર સામે આવી છે. જેમાં 27 વર્ષની ઓલ્ગાએ રશિયન હુમલાથી પોતાની નવજાત બાળકીનો જીવ બચાવવા માટે પોતાનો જીવ જોખમમાં મુક્યો હતો. જો કે, આ હુમલામાં માતાને ગંભીર ઈજા થઈ હતી. ઓલ્ગાએ છોકરી વિક્ટોરિયાને પોતાના ખોળામાં છુપાવી દીધી અને તેને ઘર પર પડેલી મિસાઇલથી બચાવવા માટે જમીન પર સૂઈ ગઈ. ઓલ્ગાએ કહ્યું કે, 'મિસાઈલ હુમલા બાદ આખા રૂમનો કાચ તૂટી ગયો હતો. મે પહેલેથી જ છોકરી પર ધાબળો નાખી દીધો હતો. હુમલો થતાં જ તે તેના ખોળામાં સૂઈ ગઈ. મારા માથામાંથી નીકળેલું લોહી છોકરીના શરીર પર દેખાતું હતું. હું ભયભીત હતી કે શું આ તેનું લોહી તો નથી ને.'

35 લાખથી વધારે યુક્રેનીયોએ દેશ છોડી દીધો

યુદ્ધની શરૂઆતથી જ 35 લાખથી વધારે યુક્રેનીયોએ સરહદ પાર કરી દીધી છે. યુએન શરણાર્થી એજન્સીએ જણાવ્યું કે, 35,28,346 લોકોએ આ યુદ્ધનાં કારણે પોતાનો દેશ છોડવો પડ્યો છે.