યુદ્ધ / BIG NEWS : બુધવારે સવારે યૂક્રેન પર એટેક કરશે રશિયા, 3 વાગ્યે પુતિન કરશે જાહેરાત, USના દાવાથી ખળભળાટ

• અમેરિકાના ગુપ્તચર સૂત્રોનો દાવો
• કાલે પરોઢિયે રશિયા યૂક્રેન પર કરશે હુમલો
• રાષ્ટ્રપતિ પુતિન વહેલી સવારે આપશે એટેકનો ઓર્ડર 

આખરે અમેરિકાએ રશિયાની પોલ ખોલી નાખી છે. યૂક્રેન યુદ્ધ લઈને અમેરિકાના દાવાએ વર્લ્ડમાં ભારે ચકચાર જગાવી છે. અમેરિકી ગુપ્તચર સૂત્રોનો દાવો છે કે કાલે સવારે સાડા પાંચ વાગ્યે રશિયા તેના સૈનિકોની સાથે યૂક્રેન પર એટેક કરશે. અમેરિકાનો એવો પણ દાવો છે કે વહેલી સવારે 3 વાગ્ય રાષ્ટ્રપતિ પુતિન આ હુમલાની સત્તાવાર જાહેરાત કરશે. અમેરિકાના આ દાવો ખૂબ ચોંકાવનારો છે કારણ કે તેમની આ જાહેરાત પહેલા રશિયાએ દાવો કર્યો કે તેના સૈનિકોએ યૂક્રેન સરહદેથી પાછા ફરવાનું શરુ કર્યું છે પરંતુ હવે અમેરિકાએ રશિયાના આ દાવાની હવા કાઢીને યુદ્ધ સંબંધિત મોટી જાહેરાત કરી છે. 

#BREAKING: #NATO chief says 'cautious optimism' over #Russia signals on Ukraine, but no sign of de-escalation @AFP pic.twitter.com/TVC8qK0XSP

— GAROWE ONLINE (@GaroweOnline) February 15, 2022

યૂક્રેનની રાજધાની કીવ પર પહેલો કબજો કરવાની રશિયાની દાનત 
રિપોર્ટ અનુસાર રશિયા બુધવારે સ્થાનિક સમયાનુસાર 3 વાગ્યે ઘણા મોરચે યૂક્રેન પર આક્રમણ શરુ કરી શરુ કરી દેશે. રશિયન સૈનિકોની સાથે યુદ્ધ ટેન્ક સીમા પાર કરતા રહેલા કીવના સૈન્ય અને સરકારી કમાન્ડ અને નિયંત્રણ કેન્દ્રો પર હવાઈ હુમલા કરશે. અમેરિકી સૂત્રોના જણાવ્યાનુસાર રશિયાની પહેલી કોશિશ યૂક્રેનની રાજધાની કીવને તેના કબજામાં લેવાની હશે. મીડિયા રિપોર્ટ અનુસાર રશિયાના નિશાન પર યૂક્રેનનું શહરે મરિયાપોલ પણ હશે. આ શહેર રશિયાથી ફક્ત 48 કિલોમીટર દૂર છે. એક વરિષ્ઠ અધિકારીએ જણાવ્યું કે રશિયા સૌથી પહેલા દક્ષિણ તટ પર હુમલો કરીર શકે છે. 
યૂક્રેનની સીમા પાસે રશિયાના 1,26,000 સૈનિકોનો જમાવડો 
હાલમાં યૂક્રેનની સીમા પાસે રશિયાના 1,26,000 સૈનિકોનો જમાવડો જામ્યો છે અને ઉત્તરમાં બેલારુસમાં બીજા 80,000 સૈનિકોને ખડેપગે તૈયાર રખાયા છે. રશિયા દ્વારા યુક્રેનની સરહદોની આસપાસ શસ્ત્રો અને સૈનિકોની તૈનાતીની નવી સેટેલાઇટ તસવીરો સામે આવી છે. તેમાં છેલ્લા ૪૮ કલાકમાં સરહદ પર લશ્કરી પ્રવૃત્તિમાં વધારો જોવા મળ્યો છે. રશિયા યુક્રેન પર હુમલો કરી શકે છે તેવી આશંકા વચ્ચે અહીં મોટા પાયે શસ્ત્રો તૈનાત કરવામાં આવ્યા છે. છેલ્લા 48 કલાકમાં ફિલ્માવવામાં આવેલી મેક્સએઆરની હાઇ-રિઝોલ્યુશન સેટેલાઇટ તસવીરોમાં બેલારુસ, ક્રિમિયા અને પશ્ચિમ રશિયામાં રશિયન સૈનિકોનો મોટો કાફલો જોવા મળ્યો છે.

રશિયાએ પશ્ચિમી દેશોને આપી ચેતવણી
યુરોપિયન યુનિયનમાં રશિયાના રાજદૂતે કહ્યું છે કે જો તેમના દેશને પૂર્વ યુક્રેનમાં રહેતા રશિયન નાગરિકોની સુરક્ષાની જરૂરિયાત જણાશે તો તેને બદલો લેવાનો અધિકાર મળશે. રશિયન રાજદૂતે બ્રિટિશ અખબાર ગાર્ડિયનને આપેલા ઇન્ટરવ્યૂમાં આ વાત કહી હતી. રશિયાના રાજદૂત વ્લાદિમીર ચિઝોવે કહ્યું, "જ્યાં સુધી અમને આમ કરવા માટે ઉશ્કેરવામાં નહીં આવે ત્યાં સુધી અમે હુમલો નહીં કરીએ." તેમણે કહ્યું, જો યુક્રેનના લોકો રશિયા સામે હુમલો કરશે. જો તે રશિયન નાગરિકો ફરીથી ક્યાંય પણ છે, તો શા માટે તે ડોનબાસ ન હોય, તો અમને અમારો બદલો જોઈને તમને આશ્ચર્ય થવું જોઈએ નહીં. 

રશિયા વાતચીત માટે તૈયાર
ક્રેમલિન (રશિયાની રાષ્ટ્રપતિ કાર્યાલય)એ સોમવારે સંકેત આપ્યો હતો કે તે સુરક્ષાની ફરિયાદોને લઈને પશ્ચિમી દેશો સાથે વાતચીત માટે તૈયાર છે, જેના કારણે આશા જાગી છે કે રશિયા હાલ પૂરતું યુક્રેન પર આક્રમણ નહીં કરે. જો કે, રશિયાના રાષ્ટ્રપતિ વ્લાદિમીર પુતિનના ઇરાદાઓ પર પ્રશ્નાર્થ છે અને શીત યુદ્ધ પછીની સૌથી ખરાબ તંગદિલી વચ્ચે, દેશો તેમના રાજદ્વારીઓને પાછા બોલાવી રહ્યા છે અને સંભવિત નિકટવર્તી યુદ્ધ અંગે સાવચેત છે.

હુમલો કરશે તો રશિયાએ ભોગવવા પડશે ગંભીર પરિણામ-અમેરિકાની ધમકી

અમેરિકાના રાષ્ટ્રપતિ જો બિડેને ફરી એકવાર રશિયાને ચેતવણી આપી છે કે જો તે યુક્રેન પર હુમલો કરશે તો તેના ગંભીર પરિણામો ભોગવવા પડશે  રશિયાએ યુક્રેન સરહદ નજીક લગભગ 1,00,000 સૈનિકો એકઠા કર્યા છે. આ પગલા પર પશ્ચિમી દેશો તેને ચેતવણી આપી રહ્યા છે અને આરોપ લગાવી રહ્યા છે કે તે યુક્રેન પર હુમલો કરવા માંગે છે.