વેક્સિન / રશિયામાં બનવા લાગી કોરોનાની રસી, ભારતમાં ઉત્પાદનને લઈને આવ્યું મોટું નિવેદન

• રશિયામાં શરુ થયું કોરોના રસીનું ઉત્પાદન 
• ભારતમાં ઉત્પાદન કરવા માટે ચાલી રહી છે વાતચીત 
• જો ભારતમાં કોઈ રસી સફળ રહી તો કોરોના વોરિયર્સને મળશે ડોઝ 

રશિયાએ  Sputnik Vની પહેલી બેચ તૈયાર પણ કરી લીધી છે. અમુક વૈજ્ઞાનિકોને ભય છે કે રસીને ઉતાવળમાં મંજૂરી આપીને રશિયાની આબરૂ દાવ પર લગાવવામાં આવી છે.  Sputnik V દુનિયાની પહેલી રસી છે અને આ મહિનાના અંત સુધીમાં ઉપલબ્ધ કરાવવાની વાત કરવામાં આવી છે. સામાન્યપણે કોઈ પણ રસીને હજારો લોકો પર ટેસ્ટ કર્યા બાદ તેને મંજૂરી આપવામાં આવે છે પરંતુ કેટલાય લોકોનો દાવો છે કે રશિયાએ આમ કર્યા વગર જ રસી જાહેર કરી દીધી છે. 

Sputnik Vનું ઉત્પાદન ભારતમાં પણ થઇ શકે છે. શિયાનાં ડાયરેક્ટર ઇન્વેસ્ટમેન્ટ ફંડના સીઈઓ કિરિલ દિમેત્રીવ અનુસાર ભારતની કેટલીક કંપનીઓ સાથે વાતચીત ચાલી રહી છે. દિમેત્રીવે કહ્યું કે ભારત અને રશિયા કેટલાય ઐતિહાસિકરૂપેથી ભાગીદાર છે.  RDIF ભારતીય કંપનીઓ સાથે 2012થી જોડાયેલું છે. ભારત સિવાય કોરિયા અને બ્રાઝિલથી પણ રશિયાની વાતચીત ચાલી રહી છે. 

બીજી તરફ ભારતના વૈજ્ઞાનિકો પણ કોરોના વાયરસની રસી બનાવવામાં લાગેલા છે. કેન્દ્રીય સ્વાસ્થ્ય રાજ્ય મંત્રી અશ્વિની  કુમાર ચૌબેએ કહ્યું જો આપણે રસી બનાવવામાં સફળ રહીએ છે તો કોરોના વોરિયર્સને આ રસી આપવામાં આવશે. તેમણે કહ્યું કે આપણા વૈજ્ઞાનિકો તેના માટે ખૂબ મહેનત કરી રહ્યા છે. અને કોરોના વાયરસની ત્રણ અલગ અલગ રસી પર કામ થઇ રહ્યું છે. જો વેક્સીન બનાવવામાં સફળ રહીએ છે તો કોરોના વોરિયર્સને ડોઝ આપવામાં આવશે.